Receta

Jahni me plëndës nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Tetor, 12:08 | Përditesimi: 8 Tetor, 12:14

Jahni me plëndës

Përbërësit:

1 kg plëndës viçi
1 filxhan kafeje vaj ulliri
1 lugë gjalpë të tretur
1 kokërr qepë mesatare
1 lugë miell
1 lugë salcë
1 gjethe dafine
2-3 lugë uthull
Disa thelpinj hudhër
Majdanoz të freskët
Pak piper të kuq
Kripë, piper i zi

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Në fillim plëndësi lahet me ujë të ftohtë të bollshëm. Më pas vendoset në një enë dhe përvëlohet me ujë të vluar për 30 sekonda. E pastrojmë me kujdes nga pjesa e brendshme duke e kruar me thikë derisa të jetë tërësisht i bardhë pa as më të voglën shenjë. E lajmë edhe disa herë mirë dhe e vendosim në nje tenxhere me ujë të ftohtë për t'u zier në zjarr të ngadaltë. Gjatë zierjes i heqim disa herë shkumën dhe i hedhim piper të zi e kripë sipas dëshirës. Pasi plëndësi të ketë zier e presim në copa të vogla dhe e lëmë mënjanë. Marrim një tenxhere, hedhim vajin e ullirit sa të ngrohet, shtojmë gjalpin dhe kur tretet gjalpi, hedhim qepën e grirë në rende. E përziejmë me lugë druri derisa të zverdhet, më pas i shtojmë dhe 1 lugë gjelle miell. I përziejmë në zjarr tě ngadaltë dhe më pas i shuajmë me një lugë salcë të cilën e kemi tretur në pak ujë. Shtojmë këtu edhe kripë, piper të zi, piper të kuq dhe gjethe dafine. I përziejmë së bashku dhe shtojmě pak uthull dhe lëngun në të cilin kemi zier plëndësin. E lëmë të gatuhet në zjarr të ngadaltë. Para se ta heqim nga zjarri shtojmë hudhrat të cilat i kemi rrahur në havan dhe janë bërë si pelte. I pëziejmë mirë me lëngun, e lëmë të marrë edhe një valë dhe e shërbejmë të ngrohtë duke hedhur në pjatë pak piper të zi, uthull dhe majdanoz.