'Edhe unë ndonjëherë dua të argëtohem', kryeministrja e Finlandës përlotet gjatë konferencës! Kërkon falje publike pas videove në festën private (VIDEO)

"Mund të them sinqerisht se kjo javë e kaluar nuk ka qenë më e lehta e jetës sime. Megjithatë, dua të besoj dhe besoj se njerëzit do të shikojnë atë që bëjmë në punë dhe jo atë që bëjmë në kohën tonë të lirë.", ky ishte reagimi i kryeministres finlandeze Sanna Marin, e prekur dhe e përlotur për disa çaste teksa po fliste rreth momenteve të vështira që ka kaluar  pas shpërndarjes së videove dhe imazheve të saj nga një festë private ku ndodhej së bashku me miqtë e saj.

"Unë jam njeri. Dhe ndonjëherë dua gëzim, dritë dhe argëtim në mes të këtyre reve të errëta", u shpreh kryeministrja Marin gjatë konferencës për shtyp.

Ndaj kryeministres finlandeze pati reagime të shumta, disa që e kritikonin dhe disa të tjerë që e mbështesnin pas publikimit të videove ku ajo shfaqej duke kërcyer dhe pirë alkool në një festë private me miqtë. Pas publikimi të videos së parë, Sanna Marin doli në një konferencë për mediat ku tha se ka bërë tetsin e  drogës e se nuk ka konsumuar lëndë narkotike të paligjshme. Pas kësaj qarkulloi një tjetër video e kryeministres duke kërcyer në një club.

Të shtunën, eksperti i sigurisë kibernetike Petteri Järvinen sugjeroi se hakerët rusë mund të fshihen pas shpërndarjes së këtyre videove, pasi mund të kenë hakuar telefonin ose llogaritë sociale të ndonjë personi që ishte pjesë e rrethit të ngushtë të Marin, sipas gazetës Iltalehti.

Marin nuk e fsheh se i pëlqen të marrë pjesë në festa, dhe shpesh është fotografuar në festivale muzikore. Para pak kohësh, Marin u quajt "kryeministrja më e cool në botë" nga gazeta gjermane Bild.

Edhe vitin e kaluar ajo kërkoi falje pasi kaloi gjithë natën në club ndërkohë që kishte qenë më përpara në kontakt të ngushtë me një të infektuar me COVID-19.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?



×

Lajmi i fundit

Macron i përmend Kurtit Asociacionin teksa flet për rrugën e Kosovës në Këshillin e Evropës

Macron i përmend Kurtit Asociacionin teksa flet për rrugën e Kosovës në Këshillin e Evropës