POP 5

Lajmet më të lexuara të 5 minutave të fundit

Kronikë

'Jam sëmurë'/ Apeli refuzon lirimin, lë në burg shefin e sigurisë së burgut për vrasjen në Kavajë

Toçi nuk ka qenë i pranishëm në seancë, por është mbrojtur nga avokati që ka kërkuar një masë më të lehtë, pra lirimin nga qelia, sipas tij për dy arsye.

Gjykata e Apelit në Durrës ditën e premte ka lënë në fuqi vendimin për masën e arrestit me burg për shefin e sigurisë së burgut në Durrës, Bledar Toçi që akuzohet për vrasjen e Dritan Haxhollit  në banesën e Marsida Qatjas, raporton gazetari i Report Tv, Artur Korriku. 

Toçi nuk ka qenë i pranishëm në seancë, por është mbrojtur nga avokati që ka kërkuar një masë më të lehtë, pra lirimin nga qelia, sipas tij për dy arsye; e para se nuk është në gjendje të mirë shëndetësore dhe e dyta sepse klienti i tij e ka kryer vrasjen në kushtet e vetëmbrojtjes. Megjithatë, trupa gjykuese e apelit të Durrësit pasi dëgjoi palët vendosi që të linte në fuqi vendimin e Shkallës së Parë duke e lënë në burg.

Por cfarë ndodhi në mbrëmjen e datës 9 tetor 2019 në banesën e Marsida Qatjas? Bledar Toçi ka shkuar në banesën e Marsidës dhe ka qëndruar së bashku me të, në prani edhe të Xhuljo Biturku, fqinj dhe shokë me Marsida Qatja si dhe Ermir Çelën, shok i saj. Rreth orës 23: 30 tek banesa e Marsida Qatja ka shkuar Dritan Haxholli, i cili ka pasur me vete edhe një armë zjarri automatik dhe me qytën e armës ka goditur dritaren e kuzhinës së banesës së e cila ndodhet në katin e parë të pallatit.

E ndodhur nën presionin e ish-të dashurit të saj, Marsida Qatja ka komunikuar me Haxhollin, duke i thënë që të vinte brenda për t'u sqaruar dhe në vijim ajo ka hapur derën  e banesës së saj dhe në këto momente është futur në derë me armë në dorë dhe ka konstatuar se në banesë ndodhej Bledar Toçi. Dritan Haxholli ka qëlluar me armë në drejtim të tij duke plagosur atë ku në këto momente Bledar Toçi ka nxjerrë një armë zjarri  pistoletë që kishte me vete dhe ka shkëmbyer zjarr me Dritan Haxhollin i cili ka mbetur i vdekur në vend.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tyryry: 03/11/2019 14:24

    Interesant ku u semur ky! Sa e futen brenda. Jane filma per ti shpetuar burgut.

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

I shpallur në kërkim ndërkombëtar, arrestohet në Morinë 36 vjeçari turk

I shpallur në kërkim ndërkombëtar, arrestohet në Morinë 36 vjeçari turk

19 Prill, 16:23