POP 5

Lajmet më të lexuara të 5 minutave të fundit

Janar-mars 2022, borxhi publik u rrit me 135 mln euro, interesat u rritën 11.2 mln euro! FMN, BB dhe ekspertët: Kujdes, ulni shpenzimet

Borxhi publik i vendit në fund të marsit arriti në 11.6 miliardë €, duke u rritur me 135 milionë € në raport me fundin e vitit 2021. Rritja ka ardhur si pasojë e kredive të marra, ndërkohë që, si pasojë e normave të rritura gjatë muajve të parë të këtij viti janë rritur edhe kostot e borxhit.

Edhe viti 2022 ka regjistruar rritje të borxhit publik në vlerë monetare, ndërsa në raport me Prodhimin e Brendshëm Bruto, borxhi është sa 69,55% e tij. Sipas të dhënave të Ministrisë së Financave në tremujorin e parë të këtij viti borxhi publik u rrit me 135.5 milionë euro, në raport me dhjetorin e vitit 2021. Në total në fund të muajit mars të këtij viti borxhi ka regjistruar vlerën e 11.6 miliardë eurove, nga 11.5 milionë euro që ishte në fund të 2021.

Ndikim në rritjen e borxhit të këtij viti kanë dhënë huatë e marra, për sektorin energjetik, për ujësjellësit apo për projekte të ndryshme infrastrukturore. Ndërkohë rritja e borxhit është më e lartë nëse e krahasojmë me tremujorin e parë të 2021, pasi për shkak të kredive dhe eurobondit të marrë për të përballuar pandeminë borxhi rezulton mbi 1 miliardë euro më i lartë.

Institucionet ndërkombëtare por dhe ekspertët e konsiderojnë risk borxhin e lartë, sidomos në kushtet e pasigurisë që ka shkaktuar lufta, e cila ka sjellë rritje të kostove për shlyerjen e borxhit për shkak të normave të larta të interesit, luhatjeve të këmbimit dhe rënies së fuqisë paguese si pasojë e çmimeve të larta.

“Ne kemi dalë disa herë në tregjet ndërkombëtare duke marrë borxh. Problemi është që ky borxh është i ekspozuar tashmë, pasi një rritje e inflacionit do rrisë edhe koston e borxhit. Treguesit thonë se kostot e borxhit u rritën me 20%, kjo do të thotë që në të ardhmen do të paguajmë më shumë për të shlyer borxhin e marrë, dhe do kemi vështirësi edhe për të marrë borxh tjetër. Rritja e kostove të borxhit vënë në vështirësi financat publike. Ose do të duhet një reduktim i shpenzimeve operative ose pezullim i përkohshëm i disa investimeve në infrastrukturë”, thotë eksperti i ekonomisë Klodian Muço.

Ministria e Financave thotë se në 4 mujorin e parë të këtij viti interesat e borxheve arritën në rekordin e dekadës, pasi u rritën me mbi 10% në raport me të njëjtën periudhë të 2021. Konkretisht shpenzimet për interesat e borxhit në fund të prillit ishin 113,9 milionë euro duke u rritur me 11.2 milionë euro në raport me një vit më parë.

BORXHI PUBLIK I SHQIPËRISË

T1 2021                 10,620,540,097 euro

T1 2022                 11,666,195,335 euro

Diferenca                 1,045,655,238 euro

 

BORXHI PUBLIK I SHQIPËRISË

T4 2021                 11,530,686,969 euro

T1 2022                 11,666,195,335 euro

Diferenca                    135,508,366 euro

 

INTERESAT E BORXHIT

Janar-Prill 2021      102,742,511 euro

Janar-Prill 2022      113,984,143 euro

Diferenca                  11,241,632 euro

K.T./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51