Në hollin e Muzeut kombëtar, për nder të përvjetorit të gjeniut më të madh të të gjitha kohëve, Leonardo Da Vinçi, është paraqitur fotografuar mrekullisht në përmasat e vërteta edhe aftesku i mrekullueshëm "Darka e fundit". Edhe sikur piktori të mos e kishte bërë Xhokondën, me këtë afresk do të ishte po aq i famshëm.
"Darka e fundit" (460x880 cm), vendosur në kuvendin Santa Maria delle Grazie në Milano, është një vepër tejet e vyer për nga interpretimi i ngjarjes dhe e kryerjes së saj. Është kryedarka, ku do të bëhej vetëdënimi dhe do lindte krishtërimi në thelb mbi flijimin. Si e tillë ajo ka tërhequr vëmendjen e gjithëkujt.
Leonardo bën një gjetje origjinale, duke i venë gjithë apostujt në një plan ballor, në një perspektivë jetësore, sa afresku duket si një pamje e gjallë vijuese, një hapje e natyrshme, ku dëshmohet ngjarja e madhe.
Kompozimi mbart një pafundësi shpjegimesh, duke u kthyer edhe në një sprovë aktoriale për studentë, në atë ç'ka piktori ia ka dalë të shprehë më plastikën e personazheve dhe me lëvizjen e duarve të tyre.
E dëmtuar, gërryer gjatë shekujve nga ujrat, bombarduar gjatë Luftës së Dytë Botërore, në zgrib të zhdukjes, restauruar disa herë, duke u shndërruar për keq, aq sa disa prej portreteve nga gjysëm profil ishin kthyer në profil, për t'u restauruar përfundimisht për 17 vjet, pas një pune të gjatë e të kujdesshme, ku u zbuluan dhe u vunë në dukje shumë elementë të mbuluar. Sot edhe pse i mungojnë disa detaje dhe ngjyrat kanë humbur dhe shumë sipërfaqe janë zhdukur përfundimisht, ajo vjen në shkëlqim të bukur e domethënës.
E ndërtuar kompozicionalisht në katër grupime të personazheve biblikë, sikur të jenë katër stinët e vitit dhe ku në mes shquhet figura e Krishtit si diell, që sapo ka shqiptuar fjalinë e famshme, "Njeri nga ju do më tradhëtojë", pas së cilës gjithçka në darkën e ftuar nga shenjti, përmbyset. Çast i tmerrshëm dhe fjalët bien gur të rënda tek gjithë të pranishmit. Buka mbet në fyt dhe gjithsecili shpreh habi, mëdyshje, mosbesim, lutje, kërcënim, ankth e frikë, që si fshikullim kalëmenden në fytyrat e të gjithëve.
Secili ka një shprehje të veçantë nga të tjerët. Dramaciteti shkon në kufijtë e të pabesuesshmes, duke u rritur ndjeshëm nga lëvizjet dhe vendosja e duarve.
Një dorë në artin pamor është në vlerën e një portreti, por këtu tejkalohet. Ato duar jo vetëm janë dhënë mjeshtërisht, por dëshmojnë e flasin. "Piktura, ka shkruajtur Mjeshtri i madh, është një muzikë që shikohet, por nuk dëgjohet".
Dhe çudia ndodh. Dikujt i lindi idea, që duart e paraqitura t'i vendosë në pentagram dhe... u dëgjua muzika.
Vallë a e kishte paramenduar artisti? Vështirë të pohohet. Veç gjithnjë kur është menduar, se për veprat e Leonardos ishte thënë gjithçka, del një e re me forcën e gjithë të tjerave dhe artisti turbullon mendjen njerëzore me çuditë e arritjeve të tij.
Leonardo nuk ishte vetëm piktor, po pse shumëkush e njeh vetëm si të tillë? Përgjigja është dhënë nga një i ditur, sepse gjenialiteti i shprehur në pikturë eklipsoi gjithë arritjet e tij në fushat e tjera të dijes!
A nuk kishte shkruar në shënimet e pafundme të tij, "Ai, zogu i madh do të nisë flururimin dhe do habisë me bëmat e tij të mëdha", fjalë të cilat ia kishte kushtuar projektit dhe skicave mbi përpjekjet për të fluturuar.
Më shumë se për "zogun" (avionin) kjo pandehmë i shkon më shumë vetë Leonardos. Gjeniu që u ngrit mbi supet e të gjithë gjenive që toka ka lindur...
Lajme të tjera
-
‘Shqipëria është Biodiversitet’, instalacion në sheshin ‘Skënderbej’ me speciet unike të Shqipërisë
4 Tetor 2023, 11:24 -
Në muze busti i Klementit XI, Papës me origjinë shqiptare që drejtoi kishën katolike për 21 vjet! Bushati: Vjen nga mali i Mikelanxhelos! Dhuratë dhe një libër 3 shekullor!
27 Shtator 2023, 15:58
-
Mozaiku 'Shqipëria'/ Ironia me 'retushimin' e PD në '93, hoqi librin e kuq e dy yje, ‘zien’ rrjeti: Ka ende në shalle, kapele deri edhe te xhubleta 4000-vjeçare!
23 Maj 2023, 11:34 -
Zbulohet misteri i sfondit të Mona Lizës, historiani italian identifikon vendin e urës në pikturën e famshme
5 Maj 2023, 15:43 -
‘Skënderbeu’ i ekspozuar në Muze, 555-vjetori i vonuar i vdekjes së Heroit Kombëtar, Koçi: Figura e tij, e gjallë në ndërgjegjen e popullit
7 Shkurt 2023, 15:52 -
Restaurimi i Muzeut Historik nga BE, draftprojekti me rikonceptim të hapësirave! Edhe Arkeologjia e Etnografia pjesë, për të rrëfyer historinë përmes objekteve
1 Dhjetor 2022, 00:01 -
Japonia, 120 mln lekë për Muzeun! PD dakord për grantin, por diskuton fasadën që po restauron BE: Bota i ka zhdukur këto simbolika komuniste
14 Shtator 2022, 18:33
-
Fondi i Galerisë, Ministria premton vepra të reja nga 2023! Studiuesja Varvarica: Rihapni sektorin e studimit, sikur i keni prerë institucionit një krah
11 Gusht 2022, 17:30
-
Radogoshi i vjen Shqipërisë me poezi, rrëfen vargjet e luftës: Në ato rrethana s'ish vetëm art, sot Kosova e anashkaluar me Ballkanin e Hapur
12 Korrik 2022, 16:50
-
Karl Paç, ‘dallëndyshja e parë e arkeologjisë shqiptare’, studiuesit: 2 udhëtimet e austriakut në Shqipëri, si e ndërtoi në 1922 muzeun e parë kombëtar në pronën e Toptanasve
28 Qershor 2022, 17:23
-
‘Shtëpia e lindjes’ që u shndërrua në klinikën e vdekjes/ Nga influenca e BS në Shqipëri, tek 35 këshilltarët sovjetikë që ristrukturuan Sigurimin e Shtetit pas 1949-ës
25 Qershor 2022, 19:19
-
Nis në Tiranë edicioni i katërt i Festivalit Ndërkombëtar të Akuarelit, Veliaj: “Ky është imazhi i Shqipërisë moderne”
5 Maj 2022, 17:49
