POP 5

Lajmet më të lexuara të 5 minutave të fundit

Sport

Java e 7-të e Serisë A, sot dita e ndeshjeve të mëdha Juventus-Napoli dhe derbi Roma-Lazio

Sot është dita e ndeshjeve të mëdha në Serinë A. Në orën 18:00 luhet supersfida Juventus-Napoli në Torino një duel mes dy pretendentëve kryesore për titull.
Java e 7-të e Serisë A, sot dita e ndeshjeve të mëdha Juventus-Napoli dhe derbi Roma-Lazio

Juventus-Napoli është supersfida e javës së 7-të të Serisë A që do të luhet në Torino në orën 18:00. Përballë njëra-tjetrës do të jenë skuadra e vendit të parë Juventusi dhe ndjekësja më e afërt Napoli. Juventusi ka qënë i pandalshëm në 6 ndeshjet e para ku ka marrë vetëm fitore dhe ndaj Napolit do të kërkojë të bëjë të njëjtën gjë edhe për tu hakmarrë për humbjen e sezonit të kaluar kjo edhe sipas trajnerit Max Allegri.

Mandzukic, Ronaldo dhe Bernardeschi pritet të formojnë treshen e sulmit ku sërish Dybala mund të përfundojë në stol gjë për të cilën Allegri ka thënë se i duhet të bëjë zgjedhje të dhimbshme. Napoli vjen në një formë shumë të mirë pasi mposhti të mërkurrën Parmën 3-0 dhe madje la disa lojtarë pushim. Trajneri Carlo Ancelotti në konferencë ka thënë :” Kam shumë besim tek skuadra ime dhe do të kërkojmë vetëm fitoren nuk firmos për barazim. Sa i përket Ronaldos unë do t’i jepja gjithmonë “Topin e Artë” e mbyll Ancelotti. Forma e mirë e dyshes Insigne-Milik është një garanci për napoletanët për të bërë surprizën në Torino.

Në orën 15 në “Olimpico” luhet derbi i Romës. Verdhekuqtë u rikthyen tek fitorja ndaj Frosinones dhe janë gati për sfidën e madhe ndaj rivalëve të përjetshëm ku do të udhëhiqen në sulm nga shtatlarti Edin Dzeko. Di Francesco ka qënë polemik në konferencën për shtyp dhe ka thënë se Roma e tij nuk është një skuadër që mund të fitojë titullin. Në krahun tjetër Lazio po kalon një formë shumë të mirë me 4 fitore radhazi të fundit ndaj Udineses të mërkurrën në shifrat 2-1. Simone Inzaghi e ka skuadrën e plotë por kërkon qetësi nga skuadra duke thënë se në derbi nuk ka favoritë. Ndërsa në mbrëmje Interi pret Cagliarin në “San Siro” për të vijuar me fitore. E fundit e zikaltërve ishte ndaj Fiorentinës të martën me rezultatin 2-1 dhe trajneri Spalleti thotë se ky është momenti i së vërtetës ku Interi i tij duhet të sulmojë vendet e para.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Totalisht i ftohtë, si reagoi Ergdys Arrazi kur mori vesh lajmin se gruaja dhe fëmijët janë hedhur në lumë! Mohon të ketë ushtruar dhunë

Totalisht i ftohtë, si reagoi Ergdys Arrazi kur mori vesh lajmin se gruaja dhe fëmijët janë hedhur në lumë! Mohon të ketë ushtruar dhunë

5 Maj, 12:19