POP 5

Lajmet më të lexuara të 5 minutave të fundit

Politikë

Jo vetëm Himara! Përsëritja e zgjedhjeve ‘tersi’ i opozitës! Thelloi humbjen edhe në Rrogozhinë e Kukës, s’mundi të mbante votat e 14 majit! PS rriti mbështetjen

Himara nuk është e vetmja Bashki ku opozita thelloi humbjen në përsëritjen e zgjedhjeve për kryebashkiak, krahasuar me 14 majin kur u mbajtën zgjedhjet vendore në 61 bashkitë e vendit. Ndonëse për arsye të ndryshme, gara për kryetarin e Bashkisë u përsërit edhe në Kukës e Rrogozhinë ku sërish PS rriti avantazhin, ndërsa opozita jo vetëm që thelloi humbjen, por nuk mundi të mbante as votat që mori më 14 maj

Zgjedhjet e së dielës në Himarë thelluan avantazhin e socialistëve e disfatën e opozitës, e cila vetëm një vit nga trokitja e zgjedhjeve të përgjithshme, humbi një nga bashkitë e pakta, vetëm 7, të fituara në betejën e vështirë të 14 majit kur u mbajtën zgjedhjet vendore në 61 bashkitë e vendit.

Më 14 maj, kandidati i koalicionit “Bashkë Fitojmë” Alfred Beleri për Bashkinë e Himarës mori 3.840 vota, ndërsa kandidati i PS Jorgo Goro 3.821 vota. Me përsëritjen e zgjedhjeve, “Bashkë fitojmë” jo vetëm që humbi thellë ndaj Vangjel Tavos, por kandidati i saj Petro Gjikuria mori rreth 300 vota më pak sesa më 14 maj Beleri.

Për arsye të ndryshme nga Himara, e cila në zgjedhje shkoi pas arrestimit të Belerit e më tej edhe Jorgo Goros, zgjedhja e kryetarit të Bashkisë që prej 14 majit është përsëritur edhe në Kukës e Rrogozhinë.

Kukësi rivotoi kryebashkiakun pas skandalit seksual që përfshiu në zyrën e tij kryetarin e zgjedhur më 14 maj, Safet Gjicin, i cili po ashtu u arrestua. Më 14 maj, Gjici fitoi me një diferencë prej 2040 vota kundrejt kandidatit të ‘Bashkë Fitojmë” Admir Sinamatit.

Me një skandal seksual mbi supe, PS rrezikonte të humbiste bashkinë por rezultati i zgjedhjeve të përsëritura më 24 shtator të 2023, në fakt ishte një fitore më e thellë.

Kandidati i PS Albert Halilaj u zgjodh kryebashkiak i Kukësit me 13 mijë e 25 vota, ndërsa kandidati i opozitës mori 7 431 vota, duke humbur me 5594 vota më pak se PS, por njëkohësisht me rreth 2000 vota më pak sesa vetë opozita kishte marrë më 14 maj.

I njëjti fenomen edhe në Rrogozhinë. Për këtë Bashki, shumë pak javë pas zgjedhjeve të 14 majit, KQZ vendosi të shpallte përsëritjen e zgjedhjeve, pas ankimimit që “Bashkë Fitojmë” kishte bërë për kutinë e Burgut, që sipas saj përcaktoi fituesin. Për shkak se përsëritja e zgjedhjeve, vinte prej parregullsive të pretenduara dhe jo vakancës në krye të bashkisë siç ndodhi në Himarë e Kukës, kandidatët ishin të njëjtë si më 14 maj.

Më 14 maj, Shkëlqim Hoxha i “Bashkë Fitojmë” mori 5.018 vota ndërsa Edison Memolla 5.129 vota duke fituar me një diferencë vetëm 111 vota. Me përsëritjen e zgjedhjeve vetëm 2 muaj më pas, më 22 korrik të 2023 Hoxha, edhe pse u mbështet nga të gjitha rrymat opozitare, mori rreth 100 vota më pak seç kishte marrë më 14 maj: 4.906 ndërsa Edison Memolla 6.658 duke thelluar në rreth 1752 fitoren.

HIMARË
▪︎ 14 Maj                                                               ▪︎ Përsëritja e zgjedhjeve
BF-Alfred Beleri 3.840 vota                                 BF-Petro Gjikuria 3.545 vota
PS-Jorgo Goro 3.821 vota                                     PS-Vangjel Tavo 5.022 vota
Diferenca: +19 vota                                               Diferenca: -1.477 vota
KUKËS
▪︎ 14 Maj                                                                 ▪︎ Përsëritja e zgjedhjeve:
BF-Admir Sinamati 9.592 vota                             BF- Emri Vata 7.431 vota
PS-Safet Gjici 11.632 vota                                   PS- Albert Halilaj 13.025 vota
Diferenca: -2.040 vota                                          Diferenca: -5.594 vota
RROGOZHINË
▪︎ 14 Maj                                                            ▪︎ Përsëritja e zgjedhjeve:
BF-Shkëlqim Hoxha 5.018 vota                    BF- Shkëlqim Hoxha 4.906 vota
PS-Edison Memolla 5.129 vota                      PS- Edison Memolla 6.658 vota
Diferenca: -111 vota                                        Diferenca: -1.752 vota

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/08/2024 01:41

    Kesaj rradhe ishte Himara dhe vetem Himara,kuptohet pse.Kukesin dhe Rrogozhinen i harruam fare dhe sikur te mos na i kishit kujtuar, as qe do na binte nder mend qe kishte zgjedhje dhe atje!

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ndalohet futbollisti i Sevillas, akuzohet për baste sportive! Rrezikon tre vite burg

Ndalohet futbollisti i Sevillas, akuzohet për baste sportive! Rrezikon tre vite burg

15 Janar, 15:08