“Time” shpall Njeriun e vitit 2018, gazetari i vrarë Jamal Khashoggi merr titullin 'rojtari në luftën për të vërtetën'

Gazetari saudit, Jamal Khashoggi i cili humbi jetën në mënyrë mizore vetëm pak kohë më parë, është shpallur “Njeriu i vitit 2018” nga revista prestigjioze “Time”. Revista e njohur e zgjedh personin që do t’i jaë këtë titull, kur ai ka pasur një ndikim të madh tek lajmet dhe çështjet botërore.

Khashoggi së bashku me një grup tjetër gazetarësh janë zgjedhur ditën e martë nga “Time” si njerëzit me më influence për vitin që po ikën. Grupi tjetër i gazetarëve përbëhet nga 5 gazetarë të “Capital Gazette” të qytetit Anapolis që u vranë gjatë një shpërthimi masiv në zyrat e saj në muajin qershor. Jamal është quajtur nga Time si  'rojtari në luftën për të vërtetën'

Kopertina e revistës Time për gazetarin Jamal Khashoggi

Prestigjiozja gjthashtu nderoi edhe gazetaren filipinase Maria Ressa, e cila u arrestua nën akuzën e evazionit fiskal si edhe gazetarët e agjencisë “Reuters” Ëa Lone dhe Kyaë Soe Oo, të burgosur në Mianmar për rreth një viti. Trupi i Jamal Khashoggi u gjet në një pyll i copëtuar dhe i groposur. Vdekja e Khashoggi, ka shkaktuar kritika ndërkombëtare ndaj Arabisë Saudite dhe ka komplikuar marrëdhëniet Uashington-Riad.

//Shqiptarja.com

TAG:
• Jamal Khashoggi
• njeriu i vitit
• revista time