Këtë gjë e ka dëshmuar më së miri me anë të fotove që publikon herë pas here në profilin e saj zyrtar “facebook”.
“Teksa po shikoja disa foto në faqen e Burrelit (Qyteti im i lindjes) më doli përpara syve kjo fotografi fantastike që më solli në mendje nostalgjinë e viteve të fëmijërisë. Jam e bindur se fëmijëria e gjithsecilit prej jush ka qenë e bukur dhe e veçantë. Do të doja të ndanit këtu kujtimet e para që ju vijnë në mendje”, shkruan Juliana.
(Fotoja e postuar nga këngëtarja)
Duke u kthyer pas në kohë, Juliana ndan me miqtë e saj një nga kujtimet më të bukura të fëmijërisë.
“Një nga kujtimet e mia më të bukura është koha kur sapo binte dëbora e parë, të gjithë fëmijët në pallatin tim organizoheshin së bashku, krijonim nga një çark për të zënë gushkuq, zogjtë më të bukur të dëborës. Më e bukura ishte se rrinim me orë të tëra nëpër ballkone dhe pasi zinim ndonjë prej tyre e lëshonim sërish”, vijon Juliana.
Ajo ju premton fansave që në ditët në vazhdim do ndaj edhe kujtime të tjera të fëmijërisë së saj.
Shkrimi u botua në numrin e sotëm të gazetës "Shqiptarja.com" versioni print
Redaksia online
(b.t/shqiptarja.com)