POP 5

Lajmet më të lexuara të 5 minutave të fundit

Arkiva

Juncker e komisionerët e tij marrin
"bekimin" nga Parlamenti Europian

Qeveria e re e BE-së mori 423 vota pro, 209 kundër dhe 67 abstenime. Jean-Claude Juncker, tha përpara Parlamentit Europian se do të prezantojë një plan investimesh prej 300 miliardë eurosh për të forcuar rritjen dhe punësimin deri në fund të këtij viti. VIDEO
Parlamenti Europian miratoi qeverinë e re të Bashkimit Europian, Komisionin Europian të kryesuar nga Jean-Claude Juncker, gjatë seancës së votimit të së mërkurës, duke i hapur rrugën kështu këtij organi ekzekutiv të nisë zyrtarisht detyrën më 1 Nëntor.

Ekzekutivi do të përbëhet nga 28 anëtarë, (27 komisionerë dhe presidenti), të cilët zgjidhen si përfaqësues të secilit prej vendeve anëtare të BE-së, dhe do të hartojë politikat për bllokun.
 
Qeveria e re e BE-së mori 423 vota pro, 209 kundër dhe 67 abstenime. Jean-Claude Juncker, tha përpara Parlamentit Europian se do të prezantojë një plan investimesh prej 300 miliardë eurosh për të forcuar rritjen dhe punësimin deri në fund të këtij viti.

Juncker tha se investimet janë jetike për të rikthyer rritjen dhe për të krijuar vende të reja pune. Gjermania, ekonomia dominuese e Europës, u ka rezistuar deri më tani thirrjeve për të shpenzuar më shumë për nxitjen e rritjes ekonomike.

“Rregullat nuk do të ndryshohen”, tha Juncker. “Por ato mund të implementohen me një shkallë të lartë fleksibiliteti”.

Juncker u angazhua gjithashtu për një ekip politik, që do të fokusohet gjatë mandatit të ardhshëm 5-vjeçar në zhvillimin e programeve madhore, duke u lënë çështjet më të vogla qeverive kombëtare, një kërkesë kyçe kjo prej Britanisë, ku ka një rrymë të fortë për daljen e vendit nga BE.

Komisioni Europian harton ligjet e BE-së, mbikëqyr buxhetet kombëtare dhe zbaton rregullat e BE-së.




Redaksia Online
(g.f /shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27