POP 5

Lajmet më të lexuara të 5 minutave të fundit

Bota

Juncker mesazh vendeve të BE-së: Merreni seriozisht Ballkanin

Presidenti i Komisionit Europian, Jean-Claude Juncker e sheh perspektivën reale të anëtarësimit të vendeve të Ballkanit Perëndimor si kusht për stabilitetin e rajonit
Juncker mesazh vendeve të BE-së: Merreni seriozisht Ballkanin

Jean-Claude Juncker

Në një fjalim në Parlamentin e Austrisë, kreu i Komisionit Europian, Jean-Claude Juncker u shpreh të premten (05.10) mbi perspektivën e anëtarësimit të vendeve të Ballkanit Perëndimor në BE. Sipas AFP, nëse vendet e BE-së nuk e kanë seriozisht me anëtarësimin e Shqipërisë, Bosnjes, Kosovës, Serbisë, Maqedonisë, e Malit të Zi, kjo mund të çojë në një luftë të re, tha Juncker.

„Nëse në këtë pjesë të komplikuar të Europës, krijohet përshtypja, se ne nuk e kemi seriozisht me anëtarësimin europian për Ballkanin Perëndimor, atëherë më vonë, - e ndoshta më herët- ne do të përjetojmë sërish atë që përjetuam në vitet 90-të në Ballkan", theksoi Juncker në Hofburgun vjenez duke pasur parasysh luftërat në Jugosllavi.

"Hapësirë ekonomike"

Megjithatë Juncker pranoi se rruga e vendeve të Ballkanit drejt BE-së „është e gjatë". Vërtet që ata kanë bërë përparime, por „jo aq sa duhet". Presidenti i Komisionit Europian kërkoi që në këtë fazë të ndërmjetme të ofrohet një „hapësirë ekonomike", në të cilën këto vende do të silleshin pjesërisht, siç do të vepronin një ditë si vende anëtare."

Që në dhjetorin e kaluar, Juncker kishte theksuar, se zgjerimi i BE-së me vendet e Ballkanit Perëndimor është vendimtar për stabilitetin e rajonit. Ndërsa në strategjinë e BE-së për Ballkanin në shkurt 2018, u përmend viti 2025 si vit i mundshëm anëtarësimi për Malin e Zi dhe Serbinë. Por në Vjenë Juncker tha se 2025-a është afati më i hershëm. Juncker u bëri thirrje vendeve të BE-së, që të „kujdesen" për Ballkanin e „të ndihmojnë aty ku është e nevojshme". Por vetë këto vende, duhet ta dinë se duhet t'i zgjidhin konfliktet e tyre për kufijtë para anëtarësimit, tha Juncker./DW

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04