Juristi Fabian Topollaj në Report Tv, duke folur rreth shkarkimit ose jo të presidentit nga Gkykata Kushtetuese, tha se Ilir Meta i “shpëtoi” herën e parë komisionit të Venecias, por këtë herë e ka të rënduar pozitën, pasi është përfshirë politikisht, një gjë që sipas tij është kategorikisht e ndaluar për përfaqësuesin e unitetit të popullit.
Ai tha se në aspektin juridik lënë për të dëshiruar veprimet e presidentit, ndërsa shtoi se duhet të paktën 5 gjyqtar të votojnë pro në mënyrë që të miratohet shkarkimi i tij.
“Ky është rasti i parë që ndodh në Shqipëri dhe si i parë, ne mund të themi shumë pak fjalë. Komisioni i Venecias kur u pyet për zgjedhjet e 30 qershorit, por edhe për shkarkimin e presidentit, evidentoi që kishte shkelur kushtetutën, por na tha që duhet gjykuar për të parë nëse ai e ka shkelur aq rëndë sa për t’u shkarkuar. Një nga arsyet që ia proces u ndërpre, ishte sepse presidenti e kishte bërë atë veprim për herë të parë. Argumenti i presidentit ishte se nuk e dinte që ai veprim ishte anti-kushtetues. Kërkesa për shkarkimin e tij, u bë për rolin e tij në fushatën e 25 prillit. Tani e ka më të rënduar pozitën, pasi presidenti nuk mund të bëjë fushatë. Nga aspekti juridik kjo lë për të dëshiruar, pasi është kryetari i shtetit dhe përfaqëson popullin, e ka të pamundur të përfshihet dhe të ndikojë politikisht. Që vendimmarrja të bëhet dhe shkarkimi të kryhet duhet të votojnë të paktën 5 gjyqtar, minimalisht.”, tha ai.
I pyetur nga gazetari Andi Kapxhiu në studion e ‘Sot Live me Shqipërinë” lidhur me kallëzimin e Metës ndaj parlamentit dhe ndikimin që mund të ketë në vendimmarrjen e Gjykatës Kushtetuese, juristi sqaroi se nuk ka absolutisht lidhje me procesin.
“Kushtetuta parashikon një mënyrë të veçantë për shkarkimin e Metës, ai është një rast shumë specifik dhe bëhet në raste të veçanta, Një nga rastet është kur evidentohet një shkelje e rendë e kushtetutës. Së pari e vërteton Kuvendi, i cili duhet ta miratoi shkarkimi me 2/3 dhe së dyti certifikohet nga Gjykata Kushtetuese. Ne jemi në fazën finale. Kallëzimi i Metës nuk do të ndikojë në proces.”, tha ai.
I ftuar në studion e Report Tv, ishte edhe Anëtari i Këshillit Kombëtar të PD, Alban Daci i cili tha se procesi për shkarkimin e presidentit është një tregues i realitetit “skandaloz” siç e quajti ai të demokracisë në vendin tonë. Sipas tij Meta nuk duhet të shkarkohet.
“Fatkeqësisht ky është një rast që tregon realitetin skandaloz në të cilën ndodhet demokracia në Shqipëri. Është një kënetë e madhe e përbashkët që sa herë i prishet terezia sulmojnë njeri-tjetrin. “Gjendja e akuzës së presidentit”, deri tani kemi folur nëse ai e ka shkelur parimisht kushtetuesen, por s’kemi folur çfarë ndodh pasi të vërtetohet kjo gjë. Procesi duhet të ketë një seriozitet maksimal, pasi gjykata do të krijojë një precedent të rrallë. Sipas meje nuk duhet të shkarkohet.”, tha Daci.
Kujtojmë se ditën e nesërme në Kuvend do të diskutohet lidhur me zgjatjen ose jo të afateve të vetingut. Pikërisht për këtë Topollaj tha se sipas tij afatet duhet të zgjaten. Ai shtoi se sipas mendimit të Partia zyrtare Demokratike do të votojë pro, pasi në një farë mënyrë janë të detyruara nga “Foltorja” për të treguar që ata janë pro kërkesave të ndërkombëtarëve.
“Unë mendoj që duhet ta bëjë i njëjti organ sepse po e bën dy organe të ndryshme do të ketë prishje të standardeve të barazisë. Gjyqtarët dhe prokurorët që janë shkarkuar nga ky proces, mund ta përdorin duke thënë që janë gjykuar nga organe të tjera. Duhet që procesi të mbarojë sa më parë. PD zyrtare është e detyruar ta miratojë këtë kërkesë për zgjatjen e Vettingut, do të jenë edhe të detyruar për shkak të Foltores. Duan të duken sikur janë pro kërkesave ndërkombëtare, për të nxjerr keq palën tjetër.”, tha juristi.
Lidhur me zgjedhjet e pjesshme vendore Topollaj tha se 5 prej 6 bahskive do të fitojë mazhoranca. Ai shtoi se më shumë sesa një “luftë” për bashkitë, kjo është një “luftë” mes dy PD për të kuptuar kush ka më shumë mbështetje.
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Alban Daci: Ku po shkon konflikti në Ukrainë?
21 Nëntor, 15:34
-
Nga Ylli Pata: Cilat janë pasojat politike të çështjeve penale ndaj Berishës dhe Metës?!
20 Nëntor, 20:53
-
Sekuestrimi i vilave të Kryemadhit/ Juristi Romeo Kara: Të shkulet me rrënjë kjo e keqe! Pa lënë pas dore partitë e tjera! Janë miliarda euro, t'i kthehen popullit
20 Nëntor, 18:08 -
Spahiu: Meta dhe Monika duhet ishin larguar vetë nga politika në 21 Janar pas videos me Dritan Priftin
20 Nëntor, 17:56 -
Apeli i GJKKO-së s'e nxorri nga burgu, i sekuestruan vilat, Meta udhëzon nga qelia Partinë e Lirisë: Nisni protesta periodike kundër SPAK
20 Nëntor, 17:44 -
GJKKO sekuestron 2 vilat e Monika Kryemadhit dhe të ëmës tek rezidenca VIP e 'Kodrës së Diellit' në Tiranë! Pjesë e hetimit për lobimin në SHBA e dosjen CEZ-DIA
20 Nëntor, 15:10 -
Afera CEZ- DIA e lobimi në SHBA, Apeli i GJKKO-së lë në burg Ilir Metën, s'ndryshon masën as për Kryemadhin! Monika: SPAK, 34 fashikuj me falsifikime, heq dorë nga politika! Me Ilirin s'ka më kthim pas
19 Nëntor, 16:34 -
Zbardhet mbrojtja e Ilir Metës përpara Gjykatës së Posaçme të Apelit: Kërkoj lirinë, shumica e pronave dhe e llogarive bankare të Monikës! S’mbaj përgjegjësi për shpenzimet e ish-gruas e ish-vjehrrës
19 Nëntor, 12:42 -
Dosjet 'e nxehta'/ Adriatik Doçi: Meta është vizatuar si koka e korrupsionit, Kryemadhi merimanga! Përdorën biznesmenë si bankomat
18 Nëntor, 19:56 -
Apeli i GJKKO vendos nesër për Metën, Presidenti i PL-së apel nga burgu: Persona të paautorizuar po organizojnë protestë, distancohuni
18 Nëntor, 14:06
