POP 5

Lajmet më të lexuara të 5 minutave të fundit

Sport

Juventusi luan sot në Bergamo me Atalantën, Motta: Kjo situatë na ka mërzitur

Atalanta dhe Juventusi luajnë këtë të martë në orën 20:45 për raundin e 19-të (të prapambetur) në Serie A.

Juventusi luan sot në Bergamo me Atalantën, Motta: Kjo situatë na ka mërzitur

Thiago Motta

Atalanta dhe Juventusi luajnë këtë të martë në orën 20:45 për raundin e 19-të (të prapambetur) në Serie A. Të dyja klubet vijnë nga barazimet respektive, ndërsa Atalanta mban vendin e tretë në renditje dhe Juventusi të pestin.

Trajneri i ‘Zonjës së Vjetër’, Thiago Motta deklaroi se lojtarët dhe stafi janë të parët që zemërohen me situatën. Synimi sipas tij është kualifikimi në Champions League, ndërsa nuk e kurseu vlerësimin për Atalantën dhe trajnerin Gasperini.

“Ne jemi të parët që zemërohemi, sepse nuk jemi në gjendje të fitojmë. Sigurisht që kemi bërë gabime. Për të siguruar zonën Champions, duhet të rikuperojmë pikët që kemi lënë në të kaluarën. Mungesa janë Bremer, Cabal, Milik dhe Conceicao. Vlahovic nuk është në 100%, por të shohim.

Grupi po rikuperon nga derbi. Është e rëndësishme të rikuperohemi fizikisht dhe mendërisht. Jemi të mërzitur që nuk fituam, por të fokusohemi te ndeshja e radhës që kemi, ajo ndaj Atalantës, një skuadër që po bën shumë mirë. Do të përballemi me ta, duke dhënë më të mirën.

Gasperini është një trajner i madh. Më kujtohet kur ishte trajneri im dhe ka qenë një kërkues, gjithmonë donte të luante përpara. Ka dashur që skuadra e tij të luante një futboll të mirë, ashtu siç bën Atalanta tani. Sulmojnë me forca të shumta.

Në ndeshjen e fundit luajtëm më mirë se kundërshtari. Krijuam shumë raste, por nuk konkretizuam si duhej. Duhet shumë punë, por edhe të jemi pozitivë për atë që po bëjmë. Sigurisht që kemi bërë shumë gabime. Disa ndeshje duheshin fituar dhe ne nuk kemi fituar. Nuk jemi të kënaqur me vendin ku ndodhemi tani në renditje. Duam të jemi në zonën Champions”, u shpreh Motta.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55