“Rreze Dielli” e emisioni më i ri në A1 Report sjell çdo ditë të ftuar interesant , të cilët me anë të këshillave të tyre u vijnë në ndihmë publikut. I tillë ishte edhe Ardi Borova, një nga parukierët më të njohur në Shqipëri i cili udhëzoi për një trajtim sa më efikas për flokët në ditët e pushimeve e sidomos të plazhit.

Sipas tij tre janë produktet të cilat nuk mund të mungojnë gjatë pushimeve: Shampo i posaçëm i plazhit i cili ndihmon në pastrimin në thellësi të flokëve. Vaji mbrojtës pas shampos që shërben edhe si një filtër mbrojtës për to .Gjithashtu një produkt tjetër i rëndësishëm është edhe maska hidratuese çka ndihmon në hidratimin re tyre.

Borova theksoi se rëndësi të veçantë ka edhe mënyra e aplikimit të produkteve dhe përbërësit e tyre pasi është e rëndësishme për të patur flokë me shkëlqim dhe të shëndetshëm.

(xh.k/shqiptarja.com)