Kakavijë, arrestohet greku me 32
pako kanabis të fshehura në makinë

Një 51-vjeçar grek është arrestuar nga policia kufitare pasi u kap me 32 pako kanabis (8 kg e 330 gram), sasi të cilën do ta trafikonte nga vendi ynë për në shtetin fqinj. Theodoros Zois-it banues në Greqi, ju gjet në makinën e tij tip Peugeot sasia e lëndës narkotike e fshehur në pjesët e brendshme të mbrapakolpit

Drejtuesi i automjetit  u shoqërua  në ambjentet e Drejtorisë së Policisë së Gjirokastrës për kryerjen e veprimeve të mëtejshme nga Specialistët e Sektorit Kundër Narkotikëve. Materialet procedurale do t‘i kalojnë Prokurorisë së Krimeve të Rënda Tirane për Trafik Ndërkombëtar të Lëndëve Narkotike.






Ndërkohë në Vlorë, policia arrestoi 49-vjeçarin Pandeli Malaj pasi në banesën e tij në “Ujë të Ftohtë” u gjetën 8 kilogramë kanabis.  

Lënda narkotike ishte shpërndarë nëpër dhoma pasi 49-vjeçari e përdorte banesën e tij për tharjen e “Cannabis-it”.

Pranë lëndës narkotike, Malaj kishte vendosur dy rezistenca me gaz  në mënyrë që të përshpejtonte procesin e tharjes gati për ta  shitur atë.





Redaksia Online
(Gre.M/Shqiptarja.com)