Kala Festival, një nga eventet më mëdha muzikore këtë herë zgjodhi si destinacion Shqipërinë. Për 7 ditë në 24 orë, plazhi i Dhërmiut u shndërrua në arenën më të madhe të muzikës në rajon. Turistët e mbërritur në Dhërmi treguan përshtypjet e tyre për vendin, mikpritjen dhe sigurisht bregdetin.
Jam nga londra. Asnjëherë nuk e kishim konsideruar mundësinë për të ardhur në shqipëri, por është shumë bukur. Ne po kalojmë mirë në këtë festival. Na pëlqen. Oh, ne e duam shqipërinë, sidomos ushqimin. Njerëzit janë kaq dashamirës. Po kalojmë kohën tonë më të mirë. E mrekullueshme, është mahnitëse. Kaq mirë. Më pëlqen ushqimi, muzika, njerëzit,. Është vërtetë këndshëm, mrekulli. E dashuroj muzikën. Më pëlqen.
Turistët
Organizatorët e Kala Festival kanë treguar pse zgjodhën Shqipërinë mes shumë destinacioneve.
Kemi drejtuar festivale në mbarë botën, në Spanjë, Francë, Andora dhe donim një gjë të re. Kerkonim një vend të ri muzikor që të mblidhnim publikun e huaj. Një vit më parë erdha në Shqipëri dhe një miku im më tha që të shikoja edhe këtë vend. Kam qenë në Shqipëri 10 vjet më parë, por vetëm në Tiranë. Nuk i njihja plazhet, erdha i pashë dhe ja ku jemi këtu.
Menaxheri i Kala festival.
I pranishëm në një nga netët e këtij festivali, ministri i Turizmit dhe Mjedisit, Blendi Klosi theksoi se për një javë të tërë, Dhërmiu është shndërruar në një vend magjik për turistët e huaj..
Sot plazhet shqiptare janë mbushur me turistë të huaj. numri i turistëve është i madh dhe ne ndihemi optimistë që vera do të jetë e magjishme këtë vit “
Blendi Klosi, ministër i Mjedisit
Klosi shtoi se ndryshe nga cdo vit, këtë sezon Shqipëria ka 500 festa të organizuara në mbarë vendin. Kala Festival është i njohur në arenën ndërkombëtare si një festival që zhvillohet në vende të ndryshme të cilat konkurojnë për të fituar organizimin e tij në vendin e tyre. Por këtë herë organizatorët përzgjodhën Shqipërinë dhe konkretisht plazhin e Dhërmiut për të zhvilluar për një javë të tërë, performancat e DJ-ve më të mirë.
