Kallashnikovë, pushkë e pistoleta, zbulohet arsenal armësh në Durrës! Në kërkim drejtori i shkollës së Muzikës, me armë në banesë! Agjentët i blenë drogë (EMRAT + VIDEO)

DURRËS- Pas dy muajsh hetimesh, Policia e Durrësit ka zbuluar arsenal armësh, ndërsa janë sekuestruar qindra doza kanabisi, kokaine dhe heroine. Operacioni i koduar ‘Summer’ ka çuar në pranga 15 persona, 3 të tjerë janë shpallur në kërkim dhe 4 janë vënë në hetim. Në banesat e tyre, policia ka sekuestruar 1 kallashnikov, 3 pistoleta, 1 pushkë, 1 çifte dhe municion luftarak.

Një prej personave që është shpallur në kërkim është edhe Dashamir Mehmeti, 41 vjeç, drejtori i shkollës së muzikës ‘Jan Kukuzeli’ në Durrës. Burime për gazetarin e Report Tv, Artur Korriku bëjnë me dije se drejtorit të shkollës i është gjetur një armë në banesë. Policia ka dokumentuar përfshirjen e drejtorit të shkollës në veprimtari kriminale, pasi ka organizuar një blerje të simuluar. Mehmeti ka rënë në kurthin e ngritur nga blutë e Durrësit, duke i shitur një agjenti drogë.

Blerja e drogës nga policia është bërë tek persona të ndryshëm, të cilët u kanë shitur drogë agjentëve dhe më pas policia ka vepruar për të goditur këtë veprimtari kriminale. Armët janë gjetur në banesën e Zamir Hoxhës, 48 vjeç, drejtorit të shkollës Mehmeti që iu gjet një pistoletë dhe 23-vjeçarit Mehmet Meta.

LEXO EDHE:
Pësuan arrest kardiak në det, vdesin 2 persona

"Theksojmë se gjatë hetimeve proaktive⁠ mbi bazën e autorizimeve të lëshuara nga Prokurori i çështjes, janë bërë shumë blerjeve të simuluara personave të ndryshëm, të dokumentuara këto me pamje filmike, me dron, përgjime ambientale dhe sekuestrime të lëndës narkotike", njofton policia. 

Të arrestuarit nuk vepronin si grup, por janë raste të veçanta të dokumentuara. Gjykata e Durrësit ka caktuar masën arrest me burg për 16 persona, por gjatë aksionit të policisë janë ekzekutuar vetëm 13 masa, ndërkohë që 2 persona të tjerë janë arrestuar në flagrancë. Nga 16 masat, 3 nuk janë ekzekutuar dhe në kërkim bashkë me drejtorin e shkollës së Muzikës janë edhe Orgito Mema, 20 vjeç, dhe Enis Piro, 46 vjeç.

Drejtori i Shkollës, Dashamir Mehmeti

TAG:
• Durim Meta
• Florian Demiri
• Flamur Tare
• Diamant Shkina
• Sadik Lako
• Mariglen Lisi
• Saimir Sina
• Klodian Sehiti
• Mateos Jeshili
• Ergert Patlli
• Gerald Taraj
• Rustem Kolgjini
• zamir hoxha
• Xhuliano Xhaferi
• Mehmet Meta
• Enis Piro
• Orgito Mema
• Dashamir Mehmeti
• droge
• arsenal armesh
• Durres

Sondazhi i ditës:

Arrestohet Beqaj, po i përmbush SPAK pritshmëritë në luftën e korrupsionit?

• Po

  46.3%

• Jo

  46.7%

• Nuk e di

  6.9%

Vota total: 4840

Votat totale janë unike

• Sondazhi i ditës:

  Arrestohet Beqaj, po i përmbush SPAK pritshmëritë në luftën e korrupsionit?

  Po Jo Nuk e di