Kalo: Ndërgjegjësohuni sa s'kemi përjetuar ende sprovën...para se të vijë një ditë ku askush s'mund t'ju vijë në ndihmë

TIRANË- Mjeku infeksionist, Tritan Kalo u është drejtuar me një lutje qytetarëve që të shmangin grumbullimet e mëdha të njerëzve, si e vetmja formë për të ndaluar përhapjen e koronavirusit.

Teksa ka publikuar disa foto, të cilat si për ironi të fatit janë shkrepur 70-80m në vijë ajrore nga Infektivi ku janë të shtruar 72 pacientë, ai u kërkon qytetarëve të bashkëpunojnë dhe të ndihmojnë në këtë luftë të vështirë bluza e bardha. Ndërgjegjësim, sa ende jemi larg kësaj prove, thekson Kalo, përpara se të vijë një ditë ku askush mundet të na vijë.

"Njësia Administrative nr. 2 e nr. 3, Tiranë, 25 Mars 2020, ora 12:45. Në vijë ajrore vetëm 70-80 metra e ndajnë këtë grumbullim njerëzish, nga dhjetëra vëllezër e motra të tyre të hospitalizuar në Shërbimin e Sëmundjeve Infektive të QSUT “Nënë Tereza”, për Covid-19. Ju lutem, MË shumë RESPEKT, më shumë DASHURI e më shumë VLERËSIM për jetët tuaja. Me këtë mënyrë të papërgjegjshme sjelljeje, do t’i shtoni rrezikun vetes suaj që të sëmureni nga Sars-Cov2/Covid 19. KAPACITETET në burime njerëzore dhe në infrastrukturën e shtrimeve spitalore kanë një kufi, ato NUK janë të pakufijëshme kudo në Botë, përfshirë edhe Shqipërinë, ndërgjegjësohuni sa ende jemi larg kësaj sprove. Në të kundërt do të mbrijmë në një ditë, që askush nuk do mundet t'ju vijë në ndihmë. Së paku dëgjoni e shihni se çfarë po ndodh aktualisht në Itali, në Spanjë e gjetkë. A ka Polici Bashkiake të pranishme në këto Njësi vendore??? Jemi të gatshëm t'ju ndihmojmë në çdo moment, por mos i shtyni kufijtë e mundësive të ndihmesës ndaj jush në honet e pamundësisë. Ju lutem!!!!", shkruan Kalo.

LEXO EDHE:
'Amaneti yt u vu në vend', mjeku Tritan Kalo përcjell në banesën e fundit bashkëshorten: Mbi arkëmort do vendosen 72 trëndafila

Fotot e publikuara nga Tritan Kalo

TAG:
• tritan kalo
• Koronavirus
• koronavirusi ne shqiperi

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq