POP 5

Lajmet më të lexuara të 5 minutave të fundit

Kronikë

GJKKO kalon për gjykim dosjen e inceneratorit të Tiranës me 12 të pandehur, mes tyre ish ministri Lefter Koka, Alqi Bllakos i rikualifikohet vepra penale

GJKKO ka kaluar për gjykim dosjen me 12 të pandehur e parë për inceneratorin e Tiranës, mes tyre ish-ministri Lefter Koka. Më 12 gusht SPAK mbylli hetimet ku zbardhi rolet e zyrtarëve në favorizimin e shoqërisë së Klodian Zotos për të fituar koncesionin. Po sot GJKKO lehtësoi akuzën për ish deputetin Alqi Bllako.

TIRANE- 12 të pandehur për inceneratorin e Tiranës, mes tyre edhe ish ministri i Mjedisit Lefter Koka, do të dalin para togave të zeza të GJKKO, e cila vendosi këtë të premte kalimin për gjykim të dosjes. Me masa sigurie që në dhjetor 2023, 12 të akuzuarit do të jenë të parët për këtë dosje që shkojnë në  gjykim, ndërsa në kërkim mbeten Mirel Mërtiri dhe Klodian Zoto, të akuzuar nga SPAK si krerët e grupit kriminal.

9 prej të akuzuarve duan gjykim të shkurtuar, ndërsa  Silena Tola, Alba Thoma dhe Pëllumb Abeshi kanë kërkuar procedurën e gjykimit të zakonshëm, kërkesa për të cilat do të vendosë trupa gjykuese në seancën e parë.

Për këtë fraksion të inceneratorit të Tiranës, SPAK i mbylli hetimet më 12 gusht, ndërsa zbardhi edhe akuzat bashkë me skemën që sipas Prokurorisë së Posaccme u përdor për të vjedhur paratë publike.

Kontrata koncesionare e hetuar nga SPAK mban vlerën e mbi 128 milionë eurove mes Ministrisë së Mjedisit dhe shoqërisë “Integrated Energy’, për ndërtim landfilli, incenerator dhe rehabilitim i vendit të depozitimeve ekzistuese. Sipas SPAK para nisjes së procedurave 7 anëtarët e komisionit të dhënies së koncesionit në bashkëpunim me ish-ministrin Koka, kanë propozuar dhënien e burnusit pa një raport të kostove të projektit. Nga ish ministri Koka, drejtoresha juridike Alba Thoma e përgjegjësi i prokurimeve Bledar Karoli u bë dhe u dërgua projektvendimi në Këshillin e Ministrave për dhënien e bonusit prej 8% të pikëve totale të garës shoqërisë propozuese.

Shoqëria propozuese “Integrated Energy BV” pjesë e së cilës është edhe shoqëria e Klodian Zoto, “Integrated Technology Services” sh.p.k, ka qenë në dijeni të rrethanave konkuruese para se të shpalljes. Në dijeni e kanë vënë zyrtarët e Ministrisë dhe shoqëria “Integrated Energy BV” është pajisur me dokumentacionin e duhur që duhej të dorëzonte para dhe gjatë procedurës me qëllim shpalljen fitues të kësaj shoqërie.

Dokumentet Standarte të Koncesionit nuk rezultojnë të jenë hartuar dhe miratuar nga anëtarët e komisionit, në kohën që janë ngarkuar në Sistemin e Prokurimit Elektronik, por nga punonjësit e Klodian Zotos, thotë SPAK. Ai ua ka dërguar më pas punonjësve të Ministrisë së Mjedisit,  Alba Thoma dhe Bledar Karoli.

 Sipas SPAK edhe përllogaritjet e kostove të studimit të fizibilitetit i ka bërë kompania e inceneratorit.

Punonjësit e Qendrës Kombëtare të Biznesit, Jetmir Llapaj dhe Silena Tola, kanë vepruar në kundërshtim me ligjin Për regjistrin e pronarëve përfitues dhe nuk është dorëzuar dokumentacioni për të provuar aksionarët. Prokuroria e Posaçme vijon hetimet për të tjerë subjekte të përfshirë në këtë procedurë të dhënies së koncesionit.

Po këtë të premte (13 dhjetor) në GJKKO u mbajt edhe seancë për të akuzuarin tjetër, ishj deputetin Alqi Bllako. Gjykata vendosi lehtësimin e akuzës ndaj tij në ‘korrupsion i nëpunësve publikë’, duke pranuar kështu kërkesën e mbrojtjes që argumentuan se pozicioni i sekretarit të përgjithshëm të ministrisë nuk përfshihet te zyrtarët e lartë. Vendimi për kalimin ose jo të çështjes në gjyq pritet më 17 dhjetor.

SPAK dërgoi për gjykim ish-deputetin e PS Alqi Bllako, më 17 nëntor, për inceneratorin e Tiranës. Bllako akuzohet për korrupsion pasiv në dy raste dhe përfitoi 119,755 Euro si pagesë për makinerinë e verërave të të atit.

Inceneratori i Tiranës, të pandehurit 
Lefter Koka                    ish-ministër i Mjedisit
Pëllumb Abeshi               anëtar i komisionit
Erjon Murataj                 anëtar i komisionit
Bledar Karoli                  anëtar i komisionit
Taulant Tusha                 anëtar i komisionit
Namik Simixhiu              anëtar i komisionit
Etleva Kondi                   anëtar i komisionit
Valbona Ballgjini            anëtar i komisionit
Sidita Kopliku                anëtar i komisionit
Alba Thoma                    Drejtoreshë juridike
Jetmir Llapaj                   ish-punonjës i QKB
Silena Tola                      ish-punonjës i QKB

Rendit zhvillimet sipas orarit:
Ora 13:28
Inceneratori i Tiranës/ GJKKO pranon kërkesën e avokatëve, rikualifikohet akuza për Alqi Bllakon! Posti i tij nuk ishte në nivelin e zyrtarëve të lartë

1686213265_alqibllako.jpg

Gjykata e Posaçme i rikualifikon akuzën ish sekretarit të përgjithshëm të ministrisë së mjedisit Alqi Bllako, i akuzuar nga SPAK për inceneratorin e Tiranës për korrupsion te zyrtarëve të lartë në dy raste. Në seancën e kësaj te premte, gjyqtarja e seancën paraprake ka pranuar kërkesën e avokatëve mbrojtës të Bllakos, për rikualifikim të veprës penale, pasi sipas tyre posti i sekretarit te përgjithshëm nuk është ne nivelin e zyrtarëve te lartë.

Nga ana tjetër, prokurori i çështjen nuk ka qenë dakord, por gjykata ka vendosur të pranojë kërkesën e mbrojtjes.

Në seancën e datës 17 dhjetor, e njëjta gjyqtare do japë vendimin për kalimin pse jo në gjyq të Bllakos për inceneratorin e Tiranës.

Kujtojmë se Bllakos i është bërë një kualifikim i tillë i veprës penale edhe në procesin për inceneratorin e Fierit, gjyq në të cilin ai u dënua me 2 vite e 8 muaj burg. Për të SPAK kishte kërkuar 7 vjet burg por Bllako  mori pafajësi për akuzën “korrupsion të funksionarit të lartë shtetëror”, dhe vepra penale iu rikualifikua në “korrupsion të nëpunësit publik.

G.K/Shqiptarja.com

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Policia e Kosovës hyn në institucionet serbe në Graçanicë

Policia e Kosovës hyn në institucionet serbe në Graçanicë

15 Janar, 09:33