POP 5

Lajmet më të lexuara të 5 minutave të fundit

Bota

Kanada/ Aksident në aeroportin e Torontos, avioni i Delta Airlines përmbyset gjatë uljes, 15 të plagosur (VIDEO)

Një avion i Delta Airlines u përfshi në një aksident gjatë uljes në aeroportin Toronto-Pearson në Kanada. Pamjet e para të publikuara në rrjetet sociale dhe mediat kanadeze tregojnë një skenë dramatike, me avionin plotësisht të përmbysur dhe rrotat e tij në ajër.

Kanada/ Aksident në aeroportin e Torontos, avioni i Delta Airlines përmbyset gjatë uljes, 15 të plagosur (VIDEO)

Aeroplani i rrëzuar

Një avion i Delta Airlines u përfshi në një aksident gjatë uljes në aeroportin Toronto-Pearson në Kanada. Pamjet e para të publikuara në rrjetet sociale dhe mediat kanadeze tregojnë një skenë dramatike, me avionin plotësisht të përmbysur dhe rrotat e tij në ajër.

Ekipet e urgjencës që mbërritën menjëherë në pistë raportuan se 15 pasagjerë u plagosën, tre në gjendje kritike, mes tyre një fëmijë. Të tjerët ndodhen jashtë rrezikut për jetën. Në një video të publikuar në internet, disa nga pasagjerët – në bord ndodheshin 80 persona, përfshirë ekuipazhin – shihen duke u larguar nga avioni përmes daljeve të emergjencës.

“Aktualisht, ekipet e emergjencës po ndërhyjnë. Të gjithë pasagjerët dhe ekuipazhi janë gjetur,” thuhet në një njoftim të aeroportit Pearson. Ndërkohë, zyrtarja e policisë së rajonit Peel në Ontario, Sarah Patten, deklaroi: “Ka ndodhur një aksident ajror, por për momentin nuk dihen shkaqet e sakta.”

Një nga hipotezat kryesore për aksidentin lidhet me kushtet e këqija atmosferike, të cilat mund të kenë vështirësuar uljen e avionit Bombardier CRJ-900. Gjatë fundjavës, stuhitë arktike kanë shkaktuar kaos në qarkullimin ajror dhe rrugor në Kanada dhe në veri të Shteteve të Bashkuara.

 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes

Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes

30 Mars, 15:11