POP 5

Lajmet më të lexuara të 5 minutave të fundit

Bota

Kanada: Autobusi përplaset me kamionin, 15 persona humbin jetën

Një autobus që transportonte të moshuar drejt një kazinoje u përplas me një kamion në një kryqëzim autostrade në një zonë rurale të provincës kanadeze të Manitobas të enjten, duke vrarë 15 persona dhe duke plagosur 10 të tjerë, tha policia.

Kanada: Autobusi përplaset me kamionin, 15 persona humbin jetën

Pamje nga vendngjarja

Një autobus që transportonte të moshuar drejt një kazinoje u përplas me një kamion në një kryqëzim autostrade në një zonë rurale të provincës kanadeze të Manitobas të enjten, duke vrarë 15 persona dhe duke plagosur 10 të tjerë, tha policia.

Rob Hill, komandant i policisë kanadeze në Manitoba, tha se autobusi po transportonte 25 persona. Dhjetë të mbijetuarit u dërguan në spitale.Pamjet televizive transmetuan imazhe të asaj që dukej si një furgon ose autobus i madh që digjej në një kanal pranë një kamioni transporti. Trotuari ishte i mbushur me mbetje nga përplasja dhe xhama të thyer.

Kryeinspektori i policisë, Rob Lasson tha se "për momentin drejtuesit e autobusit dhe kamionit janë gjallë dhe në spital". Ai nuk tha nëse ata ishin në mesin e 10 të lënduarve. Të vdekurit ishin kryesisht të moshuar.

Përplasja ndodhi në Karberri, një qytet 170 kilometra në perëndim të kryeqytetit të Manitobës, Uinipeg.

“Lajmi nga Karberri, Manitoba është tepër tragjik”, shkroi në Tëitter kryeministri kanadez Justin Trudeau.

"Unë shpreh ngushëllimet e mia më të thella për ata që humbën të dashurit sot dhe po i mbaj të lënduarit në mendjen time", tha ai.

Flamujt janë ulur në gjysmë shtizë në legjislaturën e Manitobës.

Kjo ngjarje riktheu kujtimet e përplasjes së autobusit të vitit 2018 në provincën fqinje të Saskatçeuan që vrau 16 persona.

“Mjerisht kjo është një ditë që do të mbahet mend si një ditë tragjedie dhe trishtimi të pabesueshëm në Manitoba dhe në të gjithë Kanadanë”, tha Hill.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57