Kanadaja tha të enjten se ka vendosur të ulë ndjeshëm objektivat e imigracionit në përpjekje për të "ndalur rritjen e popullsisë", një ndryshim që pason rënien e mbështetjes së publikut për imigracionin.
Njoftimi vjen pasi popullsia kanadeze u rrit në 41 milionë, e nxitur kryesisht nga një valë e pashembullt imigrantësh.
Ministria e imigracionit kishte planifikuar më parë të lejonte hyrjen e 500,000 banorë të rinj me status të përhershëm në vend në vitet 2025 dhe 2026.
Por objektivi i ri tani parashikon pranimin e 395,000 njerëzve në vitin e ardhshëm dhe 380,000 të tjerëve në vitin 2026. Qeveria kanadeze vendosi si objektiv për vitin 2027 pranimin e jo më shumë se 365,000 mijë imigrantëve.
Ministria e imigracionit tha se qëllimi i planit ishte "të ndalonte rritjen e popullsisë në aspektin afatshkurtër për të krijuar kushte për një rritje të mirë-menaxhuar dhe të qëndrueshme në aspektin afatgjatë".
"Ndonëse është e qartë se ekonomia jonë ka nevojë për njerëz, ne po shohim se vendi ynë po përballet me trysni të ndryshme, që kërkojnë përshtatjen e politikave me rrethanat e reja", tha përmes një deklarate Ministri i Imigracionit Marc Miller.
Ministria tha se plani synon gjithashtu të lehtësojë trysninë e krijuar nga rritja e kostos së strehimit. Kanadezët radhisin vazhdimisht koston e lartë të qerasë apo kredisë së shtëpive si një shqetësim kryesor ekonomik.
Ministria vlerësoi se rritja e imigracionit ndihmoi ekonominë kanadeze të dilte nga pandemia koronavirusit, duke shmangur rënien e saj.
Një sondazh muajin e kaluar nga Instituti “Environics” mbi qëndrimet e publikut ndaj imigracionit zbuloi se "për herë të parë në një çerek shekulli, një shumicë e qartë e kanadezëve thanë se ka nivel të lartë të imigracionit".
Pesëdhjetë e tetë për qind e kanadezëve besojnë se vendi pranon shumë emigrantë, një rritje me 14 për qind krahasuar me të dhënat e sondazhit të vitit 2023./REL
Lajme të tjera
-
Legalizimi i marijuanës në Amerikë dhe Kanada/ Reagon ashpër Elton John: Një nga gabimet më të mëdha të të gjitha kohërave
12 Dhjetor, 20:03 -
Trump tallet me Justin Trudeau pas darkës në Florida, e quan guvernator të shtetit të Madh të Kanadasë
10 Dhjetor, 18:41 -
Trump pret në rezidencën e tij kryeministrin kadanez: Takim produktiv, diskutuam mbi kufirin dhe tregtinë
30 Nëntor, 20:44 -
Historike në Britani/ Parlamenti miraton me shumicë votash draftin për eutanazinë, ose vdekjen e asistuar!
29 Nëntor, 22:32 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Cilat vende e kanë ndaluar TikTok-un dhe pse?
20 Nëntor, 22:33 -
Gjendet portreti i famshëm i Churchillit
12 Shtator, 15:54 -
Meksika ngrin marrëdhëniet me ambasadat e Shteteve të Bashkuara dhe Kanadasë
28 Gusht, 13:51 -
Ministri Hoxha pret Ambasadoren e Kanadasë: Mbështetje për luftën kundër krimit të organizuar, pastrimin e parave dhe trajnimet policore
27 Gusht, 14:12 -
SHBA-ja dhe Kanadaja detektojnë avionë të Rusisë dhe Kinës afër Alaskës
25 Korrik, 18:58
