Pas Mbretërisë së Bashkuar, Kanadaja bëhet i dyti vend i cili miratoi vaksinën e kompanisë Pfizer-BioNTech kundër COVID-19.
Autoritetet e shëndetësisë në Kanada e quajtën autorizimin një “moment historik” në luftën e vendit kundër pandemisë.
Agjencia që e miratoi vaksinën tha se ajo plotësoi “kërkesat e saj të rrepta të sigurisë, efikasitetit dhe cilësisë”. Vaksina fillimisht është autorizuar për punonjësit e shëndetësisë dhe grupet e ndjeshme të njerëzve, përfshirë të moshuarit.
![]()
Kryeministri kanadez, Justin Trudeau, ka thënë se vendi do të marrë deri në 249.000 doza të vaksinës këtë muaj. Në total, qeveria kanadeze ka blerë 20 milionë doza të vaksinës – të mjaftueshme për të injektuar 10 milionë njerëz me mundësinë për të blerë 56 milionë më shumë.
Mbretëria e Bashkuar ka filluar vaksinimin ditën e martë dhe në anën tjetër rregullatorët amerikanë dhe evropianë po trajtojnë dhënien e aprovimit emergjent të saj.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)