POP 5

Lajmet më të lexuara të 5 minutave të fundit

Politikë

Kandidatët për zgjedhjet e 14 majit, Yuri Kim dhe ambasadorja e BE-së takojnë Celibashin: I garantova se KQZ mbetet e baraslarguar nga politika

Ambasadorja amerikane Yuri Kim dhe ajo e BE-së Christiane Hohmann ka zhvilluar sot një takim me kreun e KQZ-së Ilirjan Celibashin për kandidatët e 14 majit. Takimi në zyrat e KQZ-së vjen ditën kur Celibashi do të nisë miratimin e kandidatëve për kryebashkiakë të propozuar nga partitë politike

Ambasadorja amerikane Yuri Kim dhe ajo e BE-së Christiane Hohmann ka zhvilluar sot një takim me kreun e KQZ-së Ilirjan Celibashin për kandidatët e 14 majit. Takimi në zyrat e KQZ-së vjen ditën kur Celibashi do të nisë miratimin e kandidatëve për kryebashkiakë të propozuar nga partitë politike.

Në një reagim në rrjetet sociale, Celibashi thekson se diplomatja amerikane ka folur gjatë takimit për keqpërdorimin e burimeve shtetërore për fushatën, problemin e blerjes së votave, transparencën e financimin e zgjedhjeve dhe integritetin e kandidatëve që do të konkurrojnë për t'u zgjedhur. Celibashi thekson se i ka siguruar ambasadoret se KQZ do të mbetet etikisht e paanshme dhe do të funksionojë vetëm në përputhje me ligjin.

'U takuam sot në KQZ me ambasadoren e BE-së Christiane Hohmann dhe ambasadorja e SHBA-së Yuri Kim. Ambasadorja Yuri Kim, foli përgatitjet për Zgjedhjet Lokale që do të mbahen më 14 Maj 2023, keqpërdorimin e burimeve shtetërore për fushatën, problemin e blerjes së votave, transparencën e financimin e zgjedhjeve dhe integritetin e kandidatëve që do të konkurrojnë për t'u zgjedhur. Ambasadorët Hohmann dhe Kim theksuan se zgjedhjet e 14 majit janë një lakmus i vërtetë për avancimin e demokracisë shqiptare dhe se të gjithë sytë e partnerëve ndërkombëtarë janë drejt këtyre zgjedhjeve.

Krahasuar me zgjedhjet e vitit 2021, kjo periudhë parazgjedhore e vitit 2023 tregon dyfishim të raportimit të subjekteve shtetërore në KQZ, ndalim të rreth 20 ngjarjeve publike dhe trefishin e numrit të sanksioneve të KQZ-së. I sigurova ambasadorët Kim dhe Hohmann se KQZ do të mbetet etikisht e paanshme dhe do të funksionojë vetëm në përputhje me ligjin. I shpreha mirënjohjen time ambasadorëve të BE-së dhe SHBA-së për mbështetjen e tyre të fortë dhe të vazhdueshme KQZ-së dhe kontributet e tyre në institucion.'- shkruan kreu i KQZ-së.

Ndërkohë një ditë më parë shefja e diplomacisë amerikane bëri deklarata të forta duke thënë se shqiptarët meritojnë kandidatë të pastër dhe me integritet dhe partitë politike duhet të kujdesen për këtë.

Yuri Kim i bëri thirrje qytetarëve edhe të mos votojnë personat “Non Grata” nga SHBA, duke shenjëstruar drejtpërdrejtë Sali Berishën.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meti: 05/04/2023 11:20

    Nuk eshte asnje kandidat i opozites se bashkuar "Non Grata", nga SHBA, ata jane kandidate te mbeshtur nga nje force politke dhe nga shoqeria civile, disa "te dale nga primaret", qe kerkojne ndryshimin ne qeverisjen vendore. Nuk do votohet per asnje nongrata, kjo duhet te kuptohet nga gjithsecili!

    Përgjigju
  • Arbërori: 05/04/2023 10:52

    J.Kim është kryekriminelja nr një në Shqipëri prandaj ështé kjo që e mbron Edvin shkjaun shqipfolës me krimet makabre të tija. Kim ështé 1 mil.% proruse dhe prokineze….!!!

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu