POP 5

Lajmet më të lexuara të 5 minutave të fundit

Bota

Kandidati prorus prin në zgjedhjet presidenciale në Rumani

Kandidati prorus, Cailn Georgescu, ka marrë një epërsi të papritur në raundin e parë të zgjedhjeve presidenciale të Rumanisë, me rezultatet paraprake që e vendosin Marcel Ciolacu, rivalin e tij pro-evropian në vendin e dytë

Kandidati prorus prin në zgjedhjet presidenciale në Rumani

Cailn Georgescu

Kandidati prorus, Cailn Georgescu, ka marrë një epërsi të papritur në raundin e parë të zgjedhjeve presidenciale të Rumanisë, me rezultatet paraprake që e vendosin Marcel Ciolacu, rivalin e tij pro-evropian në vendin e dytë.

Me 96% të votave të numëruara, ultranacionalisti Calin Georgescu ishte 22%, dhe Marcel Ciolacu, kryeministri, kishte 20%, sipas Byrosë Qendrore Zgjedhore.

Georgescu i cili bëri fushatë kryesisht në platformën e mediave sociale TikTok, erdhi si surpriza më e madhe e zgjedhjeve.

Georgescu, nuk i përket asnjë partie - është betuar se do t'i japë fund asaj që ai e quan nënshtrim ndaj Bashkimit Evropian dhe NATO-s, veçanërisht për mbështetjen për Ukrainën.

Rezultati përfundimtar i këtij raundi do të shihet gjatë orëve në vijim ku priten të numërohen votat nga kryeqyteti Bukureshti dhe nga diaspora e madhe rumune.

Në sondazhin e një dite më parë (24 nëntor) Ciolacu kishte një epërsi, teksa thuhej se kandidatja e qendrës së djathtë, Elena Lasconi, do të zinte vendin e dytë.

Megjithatë, shifra aktuale e vendos Lasconin në vendin e tretë me 18%, dhe një tjetër nacionalist, George Simion, në të katërtin.

Presidenti në Rumani ka një rol kryesisht simbolik, por një ndikim të konsiderueshëm në fusha të tilla si politika e jashtme, shkruan BBC.

Pjesëmarrja e votuesve ishte 51%, e ngjashme me shifrën e pesë viteve më parë.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02