POP 5

Lajmet më të lexuara të 5 minutave të fundit

Sociale

'Kanë fëmijë vetë, të vënë dorën në zemër'...Drama e tërmetit lë 5 familjarë në çadër verore: Nuk ka Vit të Ri këtu (VIDEO)

Në këtë situatë janë dhjetëra familje në fshatrat e Lezhës. Disa prej tyre qëndrojnë jashtë apo duke rrezikuar jetën brenda banesave të shkatërruara, pasi nuk janë pajisur me çadra. 1733 banorë në qarkun e Lezhës janë të detyruara të presin 2020-ën në çadër.

Viti i Ri për 1733 banorë në qarkun e Lezhës do të trokasë në çadra pasi tërmeti i 26 nëntorit u dëmtoi rëndë banesat. Për familjen Tuku me 5 anëtarë në Blinisht të Lezhës nata e ndërrimit të viteve, jo vetëm që s’do jetë festë por me të ftohtin në të katërta anët do të jetë dhe shumë e vështirë. Streha e vetme për këtë familje është një çadër verore. Jetesa në çadër për 3 fëmijët e familjes Leka është pothuajse e pamundur.

Mes lotësh kryefamiljari apelon që edhe nëse nuk ndërtohet shtëpia të paktën të rindërtojnë dëmet sepse nuk mund të jetojnë më në këto kushte.

“Kërkoj ndihmë nga shteti, ju lutem të vënë dorën në zemër për kalamajtë e mi sepse kanë fëmijë vetë. Atë banesë ta rregullojnë nëse nuk kanë mundësi ta ndërtojnë nga e para, kaq dua unë për fëmijët e mi”, tha Gent Tuku kryefamiljar.

Në këtë situatë janë dhjetëra familje në fshatrat e Lezhës. Disa prej tyre qëndrojnë jashtë apo duke rrezikuar jetën brenda banesave të shkatërruara, pasi nuk janë pajisur me çadra. Atmosfera festive e ndërrimit të viteve nuk ndjehet aspak në këto familje të cilët mendojnë vetëm për një strehë kur të paktën të jenë ngrohtë.

“Na ndihmoftë i madhi zot, me frikë po rrimë, herë jashtë e herë në banesë me roje për zotin. Jemi hallakatur nga tërmeti, nuk ka Vit të Ri këtu, jemi duke vdekur nga i ftohti”, tha një banore.

1733 banorë në qarkun e Lezhës janë të detyruara të presin 2020-ën në çadër. Por duket sikur drama e tërmetit i shoqëron ende këta familjarë që jo vetëm kanë humbur shtëpitë por u duhet të jetojnë në çadër me një mot të acartë që nuk e favorizon aspak jetesën në këto kushte.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • meri: 01/01/2020 13:41

    Shpresojme qe ky vit t'i sjell fukarenjeve ,mbaresi e shendet,sepse lajme si keto te vrasin shpirtin.Nuk na intereson se si feston Ilir Meta e Monika Kryemadhi,jan dy pole te kunderta,te pakten mos t'ju bejne karshillek ketyre fatkeqeve,sepse per ti ndihmuar as qe behet fjale.

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Elbasan, punonjësi i bashkisë humbi jetën pasi u rrëzua nga vinçi, procedohet një drejtor dhe shpallet në kërkim përgjegjësi

Elbasan, punonjësi i bashkisë humbi jetën pasi u rrëzua nga vinçi, procedohet një drejtor dhe shpallet në kërkim përgjegjësi

20 Prill, 09:24