POP 5

Lajmet më të lexuara të 5 minutave të fundit

Sociale

Kaos me regjistrimet në shkolla, shtyhet sërish afati! Privati rrit tarifat, prindërit dërgojnë fëmijët në shkolla publike

Shumë nxënës të arsimit bazë kanë mbetur pa u regjistruar në shkolla, dhe për këtë arsye, afati për këtë procedurë është shtyrë sërish, deri ditën e nisjes së mësimit. Report Tv sjell raste ku tregohen arsyet pse prindërit nuk po regjistrojnë dot fëmijët në shkolla, duke shkaktuar kaos në këtë proces

Regjistrimet në arsimin parauniversitar po kalojnë një situate kaotike. Dy here rreshtazi janë rihapur regjistrimet , pasi nxënësit nuk kanë mundur të regjistrohen. Por çfarë ka ndodhur konkretisht?

Nëse një prind nuk e ka regjistruar akoma fëmijë në shkollën publike, ati i mundësohet kjo procedurë deri një ditë para fillimit të vitit shkollor për arsimin bazë, 11 shtator, thotë Ministria e Arsimit.

Për regjistrimet, u dhanë dy afate njeri pas tjetrit. Kjo për shkak se shumë prindër edhe pse kanë aplikuar në E-Albania nuk kanë marrë përgjigje. Një variant, sipas ministrisë së Arsimit, ka ndodhur për shkak , e-Albania nuk ka toleruar regjistrime sipas preferencave, por vetëm sipas vendbanimeve. Nisur nga ankesat e shumta të prindërve, u dha dhe afati i ri për këtë proces.

Ana ka dy javë që nuk po e transferon djalin e saj në klasën e tetë. Kjo po ndodhi për shkak se familja u shpërngul me banim në një tjetër lagje. Për të shkuar në shkollën e re pranë shtëpisë, Anës i dolën shumë pengesa. Aplikimin e bëri fillimisht në E -Albania. Transferimi i refuzua sepse nuk përputhet gjuha e huaj e parë.

Në shkollën e mëparshme djali mësonte frengjisht të parë dhe anglisht të dytë. Në shkollën pritëse është e kundërta, gjuhë e parë është anglishtja, dhe frengjishtja e dyta. Sipas Drejtorisë së Arsimit, refuzimi bazohet në një udhëzim të Ministrisë së Arsimit, për vijimësinë e gjuhësh. Ana nuk e ka regjistruar djalin. Si rasti i saj, ka shumë raste.

Por një tjetër arsye për vonesa në regjistrim, ka qenë edhe kapërcimi i nxënësve nga shkollat private në shkollat publike, për shkak të shtrenjtimit të tarifave. Mira, e kishte vajzën në një shkollë private. Vendosi që këtë vit ta kalonte në shtet, sepse në privat kosto vjetore u shtua. Pas aplikimit në E -Albania, Mira është ende në  pritje të një përgjigjeje për shkak të përcaktimit të shkollës sipas vendbanimit.

Njësoj si Mira, gjyshi Sami këtë viti nuk mundi ta kalojë mbesën e tij Tila nga shkolla private në klasën e gjashtë të shkolla publike. Por vitin tjetër, ai thotë se do ta kalojë patjetër, pasi tarifat në privat janë shtrenjtuar. 

‘Kam dërguar ne privat për korrektesën, por janë rritur kostot.’- tha një prind.

Edhe kopshtet jopublike kanë shtrenjtuar. Tarifat deri në 42%, duke sjell më shumë regjistrime në kopshtet shtetërore.

‘Do ta regjistroj fëmijën në shtet sepse aty paguaj 20-30 mijë lekë ndërsa në shtet 50.’- tha një prind.

Sipas të dhënave të Open Data numri mesatar i frekuentimit të kopshteve publike për janar-korrik 2023 ishte 33,000 fëmijë. Krahasuar me vjet mesatarja e frekuentimit për janar-korrik u rrit 8%. Deri mesditën e kësaj të premte, Report TV mësoi, se fëmijë të regjistruar të klasës së parë në gjithë vendin, janë rreth 29 mijë.

M.Q./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi/ PS dhe PD ndajnë nga 4 mandate deputetësh në Shkodër

Sondazhi/ PS dhe PD ndajnë nga 4 mandate deputetësh në Shkodër

25 Dhjetor, 21:24