Kapshticë, nuk lejohet kalimi me makina as me bagazhe! Qytetari: Edhe në këmbë me zor na lane

Ashtu siç u paralajmërua një ditë më parë nga policia e shtetit edhe pika e kalimit kufitar e Kapshticës mëngjesin e sotëm është bllokuar.

Të paktë kanë qenë ata që I janë drejtuar sot doganës së Kapshticës. Edhe ata që janë lejuar të kalojnë, janë lejuar pa bagazhe dhe pa makina. Ose ato që do të kenë emergjenca shëndetësore si në hyrje dhe në dalje. Ky urdhër do të jetë në zbatim deri në një njoftim te dytë.

“Na thanë nuk kaloni dot pa bagazhe. Tani ka ardhur urdhër i dytë pa një letër për fëmijën”  thotë një grua.

LEXO EDHE:
Miratohet vendimi, Manastirliu: Hapet këtë vit Universiteti i njohur i Spanjës UNED në Gjirokastër

“Makinat nuk na i lanë. Edhe në këmbë bëmë llafe por më pas na lanë. Makinat i lamë matanë’ thotë një qytetarë tjetër për mikrofonin e Report Tv. 

Ndërkohë lajmërimi një ditë më parë ka bërë që shumë shtetas të lëviznin drejt Greqisë ditën e djeshme. Sipas policisë gjatë 24 orëve të fundit nga kjo pikë kalimi kanë hyrë 2504 shtetas dhe kanë dalë 2335.

Lajmi kryesor:

Greva e sindikatave greke ‘paralizon’ pikat kufitare me Greqinë, nga sot deri më 4 prill s'lejohet kalimi i makinave, vetëm qytetarë pa bagazhe

S.G/r.k./Shqiptarja.com

TAG:
• Korce
• sarande
• Gjirokaster