Bregdeti i Kunes, pranë grykëderdhjes së Drinit është mbuluar nga mbetjet e shumta që lumi ka sjellë nga fshatrat përreth Lezhës dhe Vaut të Dejës.

Vija bregdetare prej 1 km është mbuluar me mbeturina, duke u kthyer në një landfill të vërtetë.

Në terren, vihen re shishe plastike, qese, qelq, goma, materiale inerte, e deri te kafshë të ngordhura, të cilat rryma i ka transportuar drejt detit dhe më pas i ka nxjerrë në breg.

Situata konsiderohet alarmante si për mjedisin ashtu edhe për turizmin lokal, pasi laguna e Kune-Vainit është zonë e mbrojtur.

Eksperti i mjedisit Jak Gjini thotë se sa herë ka reshje intensive, pjesa veriore e grykëderdhjes së Drinit ndotet sepse banorët i hedhin mbetjet në shtratin e lumit si dhe përgjatë kanaleve.

“Kur reshjet bien me vrull, Drini tërheq gjithçka që njeriu ka hedhur pa asnjë kriter. Sidomos ne fshatrat banoret i hedhin mbetjet ne shtratin e lumit. Pamjet në Kunë flasin vetë – është një nonsens ekologjik dhe një dëm i madh për natyrën.

“Nga një shtëpi e veçuar në zonat rurale na grupe shtëpiash lagje e fshatra, duhet të merren masa të veçanta sidomos nga kryepleqësia për një administrimin më të përshtatshëm. Në skemat e pastrimit të zonave urbane duhet të përfshihen dhe këto zona", tha eksperti. 

Gjini shton se përgjegjëse janë bashkitë, pasi nuk janë të organizuara për evadimin e mbetjeve në fshatra dhe s’kanë as burime financiare.

“Bashkitë dhe kompanitë e pastrimit duhet të ndryshojnë mënyrën e operimit, duke kaluar te sisteme me mjete të vogla, që hyjnë në çdo lagje dhe më pas transferojnë mbeturinat te kamionët e mëdhenj evadues”, u shpreh Gjini.

Pastrimi mbetet një sfidë edhe më e vështirë pasi rruga 4 kilometra që lidh fshatin Ishull-Lezhë me lagunen e Kune-Vainit është e përmbytur nga reshjet e javës së shkuar. Mjetet e pastrimit nuk kanë mundësi të hyjnë, duke e lënë bregdetin të ekspozuar ndaj ndotjes katastrofike.

Situata edhe më e rëndë është në plazhin e Velipojës, ku gjithë brezi ranor është i mbuluar nga mbetjet urbane, sic pasqyroi Report tv nje dite me pare. Ndotja nga Shqipëria ka vënë në alarm edhe Kroacinë, në bregdetin e së cilës kanë dalë me tonelata me mbetje.

K.B/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Coli: 01/12/2025 13:37

    Krejt plastika e macedonise kosoves e fshatrat e kuksit shkodres krejt aty ne dri e ne bune vine e shkarkohen.. ah incenerator ku je

    Përgjigju
  • Partia: 01/12/2025 13:32

    Do i ketë hedh Saliu, te rroje partia.

    Përgjigju
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera