Është vetëm 20 vjeçe dhe duket se karriera e saj në politikë ka nisur më mirë nga ç’vetë ajo mund ta mendonte. Sivjet ajo ka kandiduar si deputete në listat e Lsi-së dhe nëse Klajda Gjosha do të lërë mandatin, duke qenë se është ministre, atëherë ajo do të jetë deputetja më e re në moshë në parlamentin shqiptar. E ftuar në emisionin e së enjtes në “Top-show mag”, Kejdi ka treguar më shumë për veten dhe se si u përfshi në politikë.



Gjithashtu ajo ka folur edhe për raportet me Monika Kryemadhin dhe femrat e tjera në LSI. Kejdi është shprehur se shtysa e parë për tu bërë pjesë e LSI ka qenë Erisa Xhixho, ndërsa ka treguar se prindërit e saj kanë ndjekur vazhdimisht karrierën e kreut të LSI, Ilir Meta. Kejdi tregoi se politika është prioritet tashmë në jetën e saj, teksa tha se me Monikën ka një komunikim si nënë e dytë.



“Ajo më këshillon për shumë gjëra, për çdo hap që hedh, ndërsa mbi të gjitha më ka thënë që mos të ndryshoj karakterin me përfshirjen time në politikë”, -ka thënë Kejdi, e cila tha se nëse do të jetë në Parlament do vazhdojë të jetë po ajo vajzë e thjeshtë. Nga ana e gazetarëve ajo u ngacmua nëse kishte të dashur,por ajo u përgjigj se kjo është diçka që nuk i takon momentit por së ardhmes.

Redaksia Online
(Xhulia Karavella/shqiptarja.com)

3/2