Receta

Kek me hurma nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Tetor, 11:47 | Përditesimi: 9 Tetor, 11:49

Kek me hurma

Përbërësit:

250 gr hurma
1 limon, lëkura dhe lëngu
2 banane të pjekura
200 gr gjalpë
180 gr sheqer
3 kokrra vezë
230 gr miell për kek
1/2 lugë pluhur pjekës
Mollë në feta

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Në fillim vendosim hurmat, lëkurën dhe lëngun e limonit në një tenxhere ku kemi hedhur 90 ml ujë. I ziejmë për 5 minuta derisa hurmat të zbuten. Më pas i rrahim në mikser derisa të bëhen pelte. Në një tas shtypim bananet me pirun. Rrahim në mikser gjalpin dhe sheqerin derisa të formohet një masë prej shkume. Shtojmë bananet dhe vezët dhe vazhdojmë rrahjen. Në fund shtojmë miellin duke e situr (tek mielli kemi shtuar dhe pak pluhur pjekës). E trazojmë mirë brumin e kekut dhe e vendosim në formë të lyer më parë me gjalpë. Përsipër shtrojmë 1/2 e masës me hurma. Vendosim një shtresë tjetër me banane, hurma dhe shtresa e fundit duhet të jetë nga masa me banane. E vendosim kekun të piqet në furrë në temperaturën 180 gradë celsius. Pasi të jetë pjekur e heqim nga forma dhe e servirim të zbukuruar me feta molle.