Partizani dhe Kukësi luajnë të premte në orën 17:00 në "Arenën e Demave" për javën e 26-të në Superligë. Përpara sfidës për mediet foli Orges Shehi, trajneri i Partizanit. Durrsaku tregoi se vëmendja është në përballjen me Kukësin dhe se oshilacionet në ekip kanë ndodhur edhe për shkak se ai e mori ekipin në mesin e sezonit.
"Është e vërtetë që s'kemi marrë ato rezultate që donim, përsa i përket mungesave nuk dua t'i përmend fare sepse s’dua t'i përmend si alibi. Jemi koshientë që s'kemi marrë ato që donim por duam të shohim përpara dhe të rritemi, të kërkojmë përmirësimin", tha Shehi.
Për trajnerin ndeshje e nesërme me Kukësin është shumë e rëndësishme.
"Duhet të lemë pas krahëve dhe të përqëndrohemi tek e nesërmja. Është i njëjti kundërshtar, por dy kompeticione të ndryshme, ne duhet të fokusohemi tek kampionati. Duhet të marrim tri pikët dhe më pas të mendojmë për Kupën. Ndeshjet e ardhshme duan vlerësim maksimal, duhet t'i trajtojmë me qëllimin që po luajmë me skuadra pretendente", vijoi durrsaku.
Më pas trajneri u ndal edhe te vështirësitë, duke thënë se kjo ndodh edhe për shkak se ai shkoi te Partizani në mesin e sezonit.
"Aventura në çdo klub që shkon nuk është e lehtë, sepse duhet të njohësh lojtarët dhe mënyrën e të luajturit. E filluam mirë dhe faza përgatitore shkoi mirë, disa detaje na kanë ndikuar në ndeshjet që s'kemi fituar. Çdo trajner ku shkon ka vështirësitë e veta, kjo është e pashmangshme, janë të pranishme kudo atje ku shkojnë për herë të parë në mes të një sezoni. E rëndësishme është që lojtarët kanë dëshirën dhe janë të fortë. Objektivi ynë i vetëm dhe primar është ndeshja e nesërme”, tha Orges Shehi.
Pas 25 ndeshjeve të luajtura, Partizani me 40 pikë mban vendin e tretë, teksa Kukësi me vetëm 19 pikë është në pozitën e fundit. Në pesë ndeshjet e fundit Partizani ka vetëm një fitore, çka bëri që të humbasë vendin e dytë.
Lajme të tjera
-
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu
26 Prill, 20:00 -
Ambasadori i Rusisë në Tiranë largohet nga Shqipëria, ja kush e zëvendëson
26 Prill, 18:29 -
Protesta te bashkia ‘kuriozon’ turistët në Tiranë: Këtu s’ka shumë njerëz, në vendet tona dalin masivisht në rrugë
26 Prill, 17:18
-
Molotovët te bashkia e Tiranës, Balla: Arsyen e dhanë vetë protestuesit, thirrën lironi liderin e opozitës
26 Prill, 16:39 -
Studentët e Universitetit Stanford vizitë në Tiranë, takohen me Ramën
26 Prill, 16:15 -
Eliminimi nga Kupa, sezoni i Tiranës kalon në derbin me Partizanin! Agjenda e Superligës
26 Prill, 15:01 -
Qatip Osmani nxjerr blof Vllazninë: Më larguan pa dëshirën time, isha pranë titullit kampion
26 Prill, 14:38 -
Zyrtare/ Vllaznia prezanton Thomas Brdaric, zëvendëson Osmanin në stol! Trajneri flet shqip (VIDEO)
26 Prill, 13:45 -
'Nikaj ka probleme', Ivan Gvozdenovic: Skënderbeu ia del me tifozët për në 'Final 4'
26 Prill, 11:48 -
CAS rrëzon FIFA-n, KF Erzeni kursen 120 mijë euro
26 Prill, 11:32 -
Bashkia e Tiranës dhe ambasada franceze nënshkruajnë marrëveshjen në fushën e industrive kreative
26 Prill, 11:18 -
Volejboll meshkuj/ Tirana prek titullin, fiton edhe derbin e dytë me Partizanin
26 Prill, 11:17
