TIRANË - Dy vjet burg ka vendosur Gjykata e Krimeve të Rënda për një 21-vjeçar i cili mori peng duke kërcënuar me jetë një të mitur shqiptaro-italian.

Amarildo Çotaj u arrestua më 19 korrik nga Policia e Shkodrës, pasi kërcënoi me jetë 11-vjeçarin N.Shabaj i cili kishte ardhur me pushime në plazhin e Velipojës së bashku me familjen e tij.

I riu nga Velipoja i vodhi edhe 300 euro të miturit, para të cilat Gjykata ka vendosur t'i kthehen 11-vjeçarit.

Dënimi është dhënë pak ditë më parë nga Gjykata, aty ku 21-vjeçari ka pranuar krimin dhe ka shpjeguar se nuk kishte qëllim të vriste italianin.
 


Redaksia Online
(F.T/shqiptarja.com)