ELBASAN – Duke e shantazhuar me një video intime, një i ri nga Elbasani kishte në plan t’i zhvaste 500 euro një gruaje nga i njëjti qytet. Marjo Bici, 22 vjeç i ka kërkuar para shtetases M.B. 48 vjeçe duke i thënë se në të kundërt do t’i publikonte videon.

Specialistët  për   Krimet e   Rënda,  në   Drejtorinë  e  Policisë Qarkut   Elbasan  bënë arrestimin  në   flagrancë   të   22-vjeçarit në kohën që do të merrte paratë e kërkuara.
 
Nga  veprimet   e  para  hetimore, në  cilësinë  e  provës  materiale,  u   sekuestruan: pamjet   filmike   të   bëra   ndaj   shtetases   M.B., një  aparat    celular  tip   Nokia  E 51 dhe 500 euro.
 
Materialet i’u kaluan Prokurorisë pranë   Gjykatës   shkallës  së  parë  për  Krimet   e  Rënda  Tiranë  për  veprime  të  mëtejshme për veprën  penale “Shtrëngimi  me  anë  të  kanosjes  ose  dhunës  për  dhënien  e  pasurisë”.

Redaksia Online
(f.s/shqiptarja.com)