Dosja '5D'/ Kërkuan zbutjen e masës së sigurisë, tre ish drejtorët e bashkisë Tiranë do vijojnë qëndrimin në qeli! GJKKO rrëzon kërkesën

Dosja '5D'/ Kërkuan zbutjen e masës së sigurisë, tre ish drejtorët e bashkisë Tiranë do vijojnë qëndrimin në qeli! GJKKO rrëzon kërkesën

SPAK

Tre ish drejtorët e Bashkisë Tiranë Redi Molla, Taulant Tushe dhe Mariglen Qato do vijojnë qëndrimin në qeli. Gjykata e Posaçme rrëzoi sërish kërkesën e tyre për zbutje të masës së sigurisë.

Tushe, Molla dhe Qato u arrestuan në muajin mars të këtij viti me urdhër të Prokurorisë së Posaçme Antikorrupsion, në kuadër të hetimeve për dosjen “5D”.

Tre ish drejtorët u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere.

Hetimi për këtë çështje nisi në vitin 2023, për dy vepra penale “Shperdorim detyre” dhe “shkelje e barazise ne tendera”.

Sipas SPAK, Qato dhe Molla janë pronarë de facto të kompanisë “5D”, e cila sipas hetimeve, ka rezultuar fituese në disa tendera pranë bashkisë.

Bëhet fjalë për 11 procedura tenderimi në harkun kohorë të 6 viteve, nga 2016 deri në 2022.  Kompania njihet dhe me dy emra të ndryshëm “Igor Electric” dhe “Vas construcion”.

Pritet që hetimet për këtë çështje të zgjerohen më tej, ndërsa në pyetje janë marrë një sërë personash.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Presidenti Biden tërhiqet nga gara: Çfarë ndodh tani?

Presidenti Biden tërhiqet nga gara: Çfarë ndodh tani?