KESH blen me 17 mln euro 16 ditë energji elektrike! 3 ankande për 77.420 megavat energji

Kriza globale, vijon të shkaktojë miliona euro shpenzime për të blerë energji elektrike. Vetëm në ditët e para të këtij viti KESH, ka importuar nga jashtë 17.8 milionë euro energji.

Sipas të dhënave zyrtare, në tre ankande të zhvilluara për datat 1-16 janar 2021, është arritur të blihet 77,420 megavat energji. Çmimi mesatar për megavat sipas KESH ishte 230 euro ose rreth 24 euro më shumë se çmimi mesatar i vitit 2021.

Ndërkohë çmimi më i lartë me të cilin është blerë energjia gjatë këtyre ditëve ka qenë 260.26 euro për megavat, që është arritur në lotin e fundit të ankandit e tretë i zhvilluar për datat 8-16 janar.

Ndërkohë në këtë muaj energjia elektrike pritet të blihet deri në 290 euro për megavat. Ndërsa parashikimet janë që efektet e krizës energjetike të zbehet pas gjashtëmujorit të parë të vitit.

Sakaq në bursën Hungareze sot është 261.55 euro për megavat, ndërsa në momente piku arrin deri në 306.40 euro për megavat.

KESH përpos menaxhimit të prodhimit, tanimë është ngarkuar edhe me përgjegjësinë e importit të energjisë elektrike, në mënyrë që të garantojë furnizim të pandërprerë për konsumatorët e lidhur në tensionin e ulët dhe të mesëm. Ky vendim u mor nga qeveria më datë 9 dhjetor, në kuadër edhe të gjendjes së emergjencës për furnizimin me energji elektrike që do të zgjasë deri në prill të këtij viti.

Ndërsa deri në fund të vitit që shkoi energjia është importuar nga OSHEE, me shifra rekord dhe deri në fund të dhjetorit u blenë mbi 228 milionë euro energji elektrike, dyfish më shumë se në 2020.

 

ANKANDET E KESH

Ankandi 1    19,760 MWH

Ankandi 2    13,200 MWH

Ankandi 3    44,460 MWH

Totali           77,420 MWH

 

ÇMIMI MESATAR I ENERGJISË

Janar 2022    230 euro/ MWH

Viti 2021      206 euro/ MWH

Diferenca     +24 euro/ MWH

K.T./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha apo Berisha, sipas jush kush e ka mbështetjen e anëtarësisë së PD-së?



×

Lajmi i fundit

John

Modric dhe Benzema i japin Realit trofenë e parë sezonal