Këshilli Bashkiak sjell projektet për kryeqytetin, Veliaj: 300 km asfalt në të gjithë Tiranën që ta sjellim në terezi! Rikthehen kreditë e buta

Kryetari i Bashkisë së Tiranës, Erion Veliaj paraqiti sot 4 pikat që do të zhvillojnë kryeqytetit. Plani me 4 pika do të bazohet te urbanizimi, fondi për Bujqësinë, bonusi i strehimit dhe projekti për çerdhe/kopshte brenda institucioneve. Po ashtu, Veliaj bëri me dije emrat e 12 shkollave të reja që do të hapen këtë vit, si edhe lançoi projektin për asfaltimin e 300 mijë metra katrorë rrugë dhe blloqeve të banimit në Tiranë.

Planet:

• -          Projekt i urbanizimit dhe asfaltimit
• -          Fondi i AZHBRS për bujqësinë
• -          Bonusi i strehimit
• -          Një projekt simbolik pilot me bankë të nivelit të dytë që ka krijuar për herë të [parë çerdhe brenda institucionit dhe thirrja ime sot është për kompanitë celulare dhe bankat e mëdha, nuk është sevap që pasja e çerdhes dhe e kopshtit është më efecientë dhe biznes i mrekullueshëm, pra çerdhe brenda një institucioni.’- tha Veliaj.

Veliaj bëri me dije emrat e 12 shkollave të reja që do të hapen këtë vit të ri shkollor në kryeqytet dhe që i japin fund mësimit me dy turne.

“Ne do të hapim këtë javë, para se të fillojë viti i ri shkollor, shkollën “Andrea Stefani” te rrethrrotullimi i ‘Shqiponjës’, që do i shërbejë Njësive 7 dhe 11. Do hapim dy shkolla të reja në Kodër-Kamzë, shkolla “Nënë Tereza” dhe shkolla “Kenedi”, që i shërbejnë kryesisht Njësisë 11, por që amortizon dhe një pjesë të Kamzës dhe Kodër-Kamzës; Do hapim shkollën “Bashkim Fino” te Qyteti Studenti., gjithashtu do hapim shkollën “Luan Hajdaraga” në ish zonën ushtarake të Shërbimit Informativ Ushtarak. Kemi shkollën te Fresku që ka marrë emrin “Klodian Tanushi”, një shkollë tjetër 9-vjeçare. I kemi dhënë fous këtë vit shpëtimit të Tiranës nga shkollat me dy turne”, u shpreh Veliaj.

Veliaj  lançoi projektin gjigant në Tiranë për asfaltimin e 300 mijë metra katrorë rrugë dhe blloqeve të banimit, nga njësia 1 në 11, dhe nga lagjja 12 në 14.

 “Kemi një propozim për të asfaltuar në Tiranë 300 mijë metra katrorë rrugë kryesore, dytësore dhe sheshe të blloqeve të banimit nga njësia 1 deri në njësinë 11 dhe nga lagjia 12 deri në lagjen 14. Pra, për të gjithë hapësirat urbane të Tiranës. Sigurisht, qyteti ka qenë i gjithi një kantier, disa raste prej punëve private, në pjesën më të madhe prej punëve publike. Sot  kemi mbledhur të gjithë qindarkat e projekteve të parealizuara dhe kemi propozuar që të shfrytëzojmë këtë fond dhe të rialokojmë për drejtorinë tonë të punëve publike këtë projekt gjigant asfaltimi, sistemimi dhe urbanizim i të gjithë blloqeve të Tiranës. Kështu që, nëqoftëse kemi dakordësinë tuaj ne do të mbledhim të gjitha fondet e pashpenzuara të vitit tani që jemi në gjysmën e fundit dhe do t’i çojmë në këtë projekt që kërkon më pak punë projektuese dhe më shumë punë në terren”, theksoi Veliaj.

Ndërhyrja do të konsistojë në përmirësimin e shtresave asfaltike, shtresave të trotuarëve,  riparimet të pjesshme të paketës së shtresave rrugore ku ato paraqiten më të dëmtuara, sinjalistikën horizontale, si dhe kompletimin me sinjalistikën vertikale në ato pjesë ku ajo mungon.

Rendit zhvillimet sipas orarit:

Të Fundit Të Parat

G.MO/K.T./Shqiptarja.com

TAG:
• Tirane
• erion veliaj
• bashkia tirane