TIRANE- E majta e ka ruajtur trendin e fiksuar në zgjedhjet parlamentare të 23 qershorit të para dy viteve, teksa në zgjedhjet vendore të ditës së dielë kanë marrë sërish 1 milionë vota. Duke treguar qartë se pavarësisht reformave, herë-herë dhe të dhimbshme, nuk ka rënie. Përkundër të djathtës, e cila pavarësisht rezultatit rrënues më 2013, në vendoret e 21 qershorit shënuan një rënie poshtëruese prej 200 mijë votash krahasuar me dy vite më parë.
 
Si është rezultati i së majtës në zgjedhjet vendore të 21 qershorit dhe a është ruajtur trendi pozitiv prej 1 milionë votash të 23 qershorit të para dy viteve?
E majta që është në pushtet prej dy vitesh me sa duket nuk e ka ndjerë për asnjë moment konsumimin nga pushteti dhe rënien në vota për shkak të konsumimit nga pushteti dhe reformat e thella që janë ndërmarrë në shërbim të shëndoshjes së vendit por që siç ka pranuar dhe vetë kryeministri Edi Rama kanë pasur kosto të dhimbshme për qytetarët.