POP 5

Lajmet më të lexuara të 5 minutave të fundit

Kultura

Këshilli i Ambasadorëve Shqiptarë kërkesë Kuvendit: 17 shkurti, Dita e pavarësisë së Kosovës, të shpallet festë zyrtare në Shqipëri

Këshilli i Ambasadorëve Shqiptarë ka kërkuar që 17 shkurti të shpallet festë zyrtare kombëtare në Republikën e Shqipërisë.

Këshilli i Ambasadorëve Shqiptarë kërkesë Kuvendit: 17 shkurti, Dita e pavarësisë së Kosovës, të shpallet festë zyrtare në Shqipëri

Flamuri i Kosovës dhe Shqipërisë

Këshilli i Ambasadorëve Shqiptarë ka kërkuar që 17 shkurti të shpallet festë zyrtare kombëtare në Republikën e Shqipërisë. Kërkesa është bërë në kuadër të 15 vjetorit të shpalljes së pavarësisë së Kosovës që u festua ditë më parë.

Në kërkesë theksohet se duke qenë se kjo datë është një përmbushje e aspiratave shekullore të kombit shqiptar, atëherë 17 shkurti duhet të jetë festë zyrtare në vendin tonë, ashtu si në Kosovë.

“Duke vlerësuar 17 Shkurtin e vitit 2008, ditën e shpalljes së Pavarësisë së Republikës së Kosovës, si një nga ngjarjet më të rëndësishme në historinë tonë kombëtare;

si përmbushjen e një aspirate shekullore të kombit tonë në rrugën e tij drejt forcimit të identitetit, bashkimit kombëtar dhe integrimit në strukturat Euro – Atlantike; si një ditë të shënuar që frymëzon çdo shqiptar; si ngjarje madhore për të cilën kanë kontribuar shqiptarët anembanë botës, me mbështetjen e fuqishme të SHBA-ve, BE-së, NATOs dhe vendeve të tjera aleate dhe mike,

Këshilli i Ambasadorëve Shqiptarë i ka drejtuar një kërkesë zyrtare Kuvendit, më dt. 21 Shkurt 2023, për të  ndërmarrë nismat përkatëse ligjore për ta shpallur këtë datë Festë Zyrtare të Republikës së Shqipërisë. Këshilli i Ambasadorëve Shqiptarë beson se një vendim i tillë do të gëzonte dhe do të mbështetej nga çdo shqiptar kudo ku jeton, pavarësisht bindjeve politike”-thuhet në kërkesën e bërë.

Në 17 shkurt të këtij, viti ashtu siç tashmë është kthyer në traditë, presidenti i vendit, Bajram Begaj ishte në Prishtinë në një vizitë 2 ditore në kuadër të festimeve të përvejetorit të shpalljes së pavarësisë së vendit. 

B.V/K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52