X

POP 5

Lajmet më të lexuara të 5 minutave të fundit

Kronikë

Pas KLGj, KLP dhe garës për SPAK drejt konsituimit edhe KED

Këshilli i Emërimeve në Drejtësi pritet që më 15 janar të nisë përzgjedhjen e gjyqtarëve që plotësojnë kriteret për t’u bërë pjesë e Gjykatës Kushtetuese. Ndërsa një tjetër rend dite i KED-së është edhe hapja e garës për inspektorin e lartë të drejtësisë, i cili me ndryshimet ligjore kontrollon funksionimin e të gjithë sistemit.

Këshilli i Emërimeve në Drejtësi do të konstituohet më 15 janar, fill pas ngritjes së KLGJ-së dhe KLP-së. Ky këshill pritet të zhbllokojë ngërcin e krijuar në Gjykatën Kushtetuese dhe të përzgjedhë kandidatët që plotësojnë kushtet për t’u bërë anëtarë të kësaj gjykate. KED pritet të drejtohet nga anëtari i Gjykatës së Lartë Ardian Dvorani, që është përzgjedhur nga parlamenti.Gjykata Kushtetuese ka mbetur me një anëtar dhe ajo është gjyqtarja Vitore Tusha, mandati 9-vjecar i së cilës ka mbaruar.

Në mbledhjen e parë të KED-së  pritet të marrin pjesë 7 nga 9 anëtarë që ajo duhet të ketë. Pas përzgjedhjes së tetë anëtarëve nga parlamenti, Bashkim Dedja u shkarkua nga Kolegji i Posaçëm i Apelimit duke e çuar numrin në 7 anëtarë. Pjesë e KED që nis punën në 2019 janë kryeprokurorja Arta Marku, Ardian Dvorani, Medi Bici nga Gjykata e lartë, Fatjona Memçaj nga Gjykata e Apelit të Tiranës, gjyqtari Fatmir Islamaj, Gurali Brahimllari, Eriol Roshi dhe Klodiana Veizi.

Një tjetër pikë e rëndësishme e rendit të ditës në mbledhjen e ditës së martë është ajo për institucionin e inspektorit të lartë të drejtësisë, njohur si ILD. KED pritet të shqyrtojë kandidaturat për këtë post, si dhe kriteret e përzgjedhjes së inspektorit që do të kontrollojë më pas institucionet e drejtësisë.

Njoftimi për mediat për nisjen e punës së Këshillit të Emërimeve në Drejtësi

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

'Shefqet Gjana, mësuesi kuksian që do të vriste Enver Hoxhën', një dëshmi e rrallë për torturat që bëheshin në hetuesitë e komunizmit

'Shefqet Gjana, mësuesi kuksian që do të vriste Enver Hoxhën', një dëshmi e rrallë për torturat që bëheshin në hetuesitë e komunizmit

23 Prill, 20:05 nga Admirina Peçi