Komandanti i ri i KFOR-it, Gjeneral Major Francesco Paolo Figliuolo, me një ndjenjë të madhe të përkushtimit dhe përgjegjësisë për të vazhduar punën e pararendësit të tij, përshëndet autoritetet politike, fetare dhe civile, si dhe të gjithë qytetarët e Kosovës.

KFOR-i do të vazhdojë të ofrojë një mjedis të qetë dhe të sigurtë dhe për të ruajtur lirinë e lëvizjes në gjithë Kosovën, thuhet në njoftimin e sapodërguar.

"Në përputhje me moton e re të KFOR-it XIX, "Shembull Përpjekje, Mirëbesim", KFOR-i do të bashkëpunojë me institucionet në Kosovë në nivel qendror dhe lokal, si dhe me Policinë së Kosovës dhe Forcën e Sigurisë së Kosovës dhe do të mbështesë përpjekjet e UNMIK-ut, BE-së dhe të organizatave të tjera ndërkombëtare, për të ardhmen prosperuese të Kosovës", theksohet në njoftimin e KFOR./ATSH/