Kievi dhe Praga kanë arritur marrëveshje për të prodhuar së bashku pushkë dhe municione brenda Ukrainës, kanë bërë të ditur kryeministrat e dy vendeve të martën, pas diskutimeve që kanë zhvilluar në Republikën Çeke.
Ukraina ka punuar në jetësim të industrisë së re të armëve, për të kufizuar varësinë ndaj ndihmës ushtarake të Perëndimit, prej kur ka nisur pushtimi rus në tokën e saj më 2022.
“Sot ne kemi arritur marrëveshje të rëndësishme, në mes tjerash, edhe në industrinë e mbrojtjes. Në Ukrainë do të ndërtohet një fabrikë e re fishekësh”, ka thënë kryeministri i Ukrainës, Denys Shmygal, në një konferencë për media.
“Marrëveshja e dytë është që kompania çeke Colt CZ Group të prodhojë pushkë në Ukrainë”, ka thënë ai në një konferencë të përbashkët me homologun e tij çek, Petr Fiala.
“Ukraina synon dhe ka potencial të bëhet arkë armësh për botën e lirë dhe ne jemi mirënjohës ndaj Republikës Çeke për mbështetjen në këtë drejtim”, ka thënë Shmygal.
Kompania çeke Colt CZ Group ka thënë përmes një deklarate se, njësiti i saj Sellier & Bellot do të bashkëpunojë me kompaninë ukrainase Ukroboronprom për prodhim të disa “llojeve të municioneve të kalibrit të vogël në Ukrainë”.
Ministrja çeke e Mbrojtjes, Jana Çernohova ka thënë se një pjesë e prodhimit do të kryhet në Republikën Çeke ndërsa Ukraina do të jetë përgjegjëse për zhvillim.
Ajo ka thënë se në bisedimet e së martës janë përmendur edhe trajnimet e ushtarëve ukrainas në tokën çeke. Çernohova ka thënë paraprakisht se vendi i saj planifikon të trajnojë rreth 4.000 ushtarë ukrainas këtë vit.
Republika Çeke ka ofruar mbështetje të madhe humanitare dhe ushtarake për Ukrainën, pas nisjes së luftës. Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra. Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL
Lajme të tjera
-
Lufta/ Vrasja e gjeneralit të armëve bërthamore Kirillov, arrestohet 29-vjeçari uzbek, i dyshuar edhe një person i dytë! Moska: I rekrutuar nga Kievi!
18 Dhjetor, 08:18 -
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit
16 Dhjetor, 09:11 -
Ukraina thotë se Rusia e ka sulmuar 188 dronë: I rrëzuam pothuajse të gjithë
26 Nëntor, 12:13 -
Lufta në Ukrainë/ Dezertori rus: Në shkurt 2022 ishim gati për sulm bërthamor
26 Nëntor, 07:56 -
Lufta/ Tani në shënjestrën e Kievit janë depot dhe logjistika ruse, por edhe trupat e Penjanit
18 Nëntor, 08:05
-
Borrell mbërrin në Kiev për ta ritheksuar mbështetjen e BE-së për Ukrainën
9 Nëntor, 13:07 -
Kievi sulmon me 110 dronë disa rajone ruse, objektiv edhe fabrikat e armëve! Moska e konfirmon, por thotë se i rrëzoi
20 Tetor, 16:14 -
Lufta Ukrainë-Rusi/ Zelensky: Kemi realizuar 90% planin e fitores! WSJ: Një milion vdekje që nga viti 2022
17 Shtator, 15:49 -
Moska kap në befasi ushtrinë ukrainase, kundërsulmon në Kursk dhe rimerr disa zona!
12 Shtator, 07:44 -
Ukraina hakmerret ndaj Moskës, e bombardon me 144 dronë, një e vrarë dhe disa të plagosur! Rusia: I rrëzuam të gjithë, mbyllen aeroportet
10 Shtator, 08:06 -
Lufta/ Bomba ruse mbi jetimoren në Sumy, edhe 2 fëmijë të plagosur! Moska avancon në rajonet e Donetskut, Kievi i përgjigjet
2 Shtator, 07:07 -
Përshkallëzohet lufta Rusi-Ukrainë, Moska bombardon me raketa e dronë Kievin dhe 11 rajone! Të paktën 3 të vrarë, shënjestër dhe termocentralet
26 Gusht, 11:11
