POP 5

Lajmet më të lexuara të 5 minutave të fundit

Bota

Kim Jong un del për herë të parë nga “strofka”, por bukuria e gruas së tij bëhet “hit” në Kinë

Fjalët e para në arenën ndërkombtëtare të diktatorit të vendit më të izoluar në botë që udhëton me tren të blinduar dhe limuzinë
Kim Jong un del për herë të parë nga “strofka”, por bukuria e gruas së tij bëhet “hit” në Kinë

Udhëheqësit e Koresë së Veriut dhe Kinës me bashkëshortet e tyre

Pekini ka konfirmuar se udhëheqësi i Koresë së Veriut Kim Jong Un ka vizituar Kinën për të biseduar me presidentin Xi Jinping, në vizitën e tij të parë të huaj që kur ka marrë pushtetin. 

Njoftimi konfirmoi spekulimet që kishin nisur pasi një tren i njëjtë me atë që përdorej nga babai i diktatorit u pa të udhëtonte drejt Pekinit.  

Xi bisedoi me Kim të Sallën e Madhe të Popullit në Pekin dhe ai dhe gruaja e tij Peng Liyuan organizuan një banket për Kimin dhe gruan e tij Ri Sol Ju.

“Pata bisedime të suksesshme me Sekretarin e Përgjithshëm Xi Jinping mbi zhvillimin e marrëdhënieve ndërmjet dy partive dhe dy shteteve, për situatat përkatëse të brendshme, ruajtjen e paqes dhe të stabilitetit në Gadishullin Korean, dhe për çështje të tjera” – tha Kimi në banket. 

Raportohet se Kim Jong Un u angazhua gjithashtu për denuklearizimin e Koresë së Veriut nëse Shtetet e Bashkuara dhe Jugu shfaqin “vullnet të mirë”, me Kinën që pranoi ta mbështesë fqinjin e saj në rast se tensionet bërthamore shtendosen.

Kimi e vizitoi Kinën nga e diela deri të mërkurën së bashku me gruan e tij, Ri Sol Ju, bëri të ditur një agjenci koreanojugore, ndërkohë që presidenti Xi ka pranuar gjithashtu një ftesë për të vizituar Korenë e Veriut.  

Udhëtimi i tij vjen disa javë pasi presidenti amerikan Donald Trump pranoi një ftesë për t’u takuar me Kim-in. 

Analistët thonë se Kimi ka ndjerë nevojën për t’u këshilluar me aleatin tradicional të vendit të tij në prag të takimit të tij të planifikuar me Trumpin dhe presidentin e Koresë së Jugut Moon Jae-in.

“Nëse Koreja e Jugut dhe Shtetet e Bashkuara i përgjigjen me vullnet të mirë përpjekjeve tona për të krijuar një atmosferë paqeje dhe stabiliteti, dhe marrin me faza masa të sinkronizuara për të arritur paqen, çështja e denuklearizimit të gadishullit mund të zgjidhet”, - tha Kim, sipas përmbledhjes së agjencisë Xinhua lidhur me takimin e tij me Xi. 

Foto nga vizita historike e Kim Jong-Un në Kinë

Ndërkohë, gruaja e Kim Jong Unit e mahniti publikun kinez me veshjet e saj tejet moderne teksa shoqëronte udhëheqësin koreanoverior gjatë vizitës së tij suprizë në Kinë gjatë kësaj jave. 
Ri Sol Ju, zonja e parë e Koresë së Veriut, u pa me të paktën tre veshje të ndryshme gjatë qëndrimit në Pekin. 

Shumë qytetarë kinezë bënë komente në Weibo, një rrejhet social popullor në Kinë, për të vlerësuar paraqitjen e Ri-së. “Ri Sol-ju është vërtetë e bukur dhe e adhurueshme. Mund të them se mund t’i shkonte emri ‘zonja e parë e diplomacisë”, është më e mirë se motra e Kimit”, - shkruante një përdorues. 

William Tang Tat Chi, një stilist nga Hong Kongu, tha se veshja e Ri-së ishte e përmbajtur edhe pse jo konsevratore, sikurse raportoi South China Morning Post.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Eliminimi nga Euro 2024, Gravina konfirmon Spallettin në krye të Italisë: Ne nuk do e braktisim projektin

Eliminimi nga Euro 2024, Gravina konfirmon Spallettin në krye të Italisë: Ne nuk do e braktisim projektin

30 Qershor, 16:14