Receta

Kimë tradicionale me vezë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 18 Nëntor, 11:05 | Përditesimi: 18 Nëntor, 11:07

Kimë me vezë

Përbërësit:

500 gr mish i grirë
1 qepë mesatare
2-3 domate / 2 lgj salcë
2-3 lugë vaj ulliri
3-4 kokrra vezë
Kripë dhe piper
Pak spec djegës
Majdanoz ose kopër

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Në një tigan ngrohim vajin e ullirit dhe kaurdisim qepën e grirë imët derisa të zbutet dhe të marrë një ngjyrë të artë. Shtojmë mishin e grirë dhe e përziejmë mirë duke e skuqur derisa të thahet lëngu dhe mishi të marrë një ngjyrë kafe. Shtojmë më pas domatet e grira ose salcën e domates dhe e lëmë të ziejë derisa salca të trashet. Në fund shtojmë kripën, piperin dhe nëse dëshirojmë dhe pak spec djegës. Bëjmë disa zgavra të vogla në masën e mishit në tigan dhe thyejmë vezët mbi to. Mbulojmë tiganin me kapak dhe e lëmë për pak minuta derisa të mpiksen vezët. Kimën e shërbejmë të ngrohtë spërkatur me pak majdanoz ose kopër sipas dëshirës.