KINE - Duket e pabesueshme që të ndodhë një gjë e tillë, por me sa duket në Kinë gjithcka është e mundur, madje edhe bllokimi në lavatrice!

Një vajzë tre vjeçare, e cila kishte mbetur brenda në një makinë larëse në shtëpinë e saj, u shpëtua nga zjarrfikësit në një qytet të vogël në provincën Shandong.

Me të mbërritur në vendin e ngjarjes, zjarrfikësit gjetën vogëlushen të bllokuar brenda në lavatrice nga pjesa e belit të saj dhe poshtë.

Ekipi i shpëtimit ishte shumë i kujdesshëm për të nxjerrë shëndoshë e mirë vogëlushen, e cila kishte lavatricen si një mjet argëtimi pasi luante shpesh herë bën të ditur e ëma, marrë në pyetje nga hetuesit.

Ky rast është marrë si një alarm për t’u thënë prindërve, që të kenë më shumë kujdes me fëmijët e tyre.

(ad.ti/l.ç/shqiptarja.com)