Kina paralajmëron për stërvitje të reja ushtarake

Kina paralajmëron për stërvitje të reja ushtarake

Stervitje ushtarake të Kinës, foto: AFP

Kina ka bërë me dije se do të zhvillojë stërvitje të reja ushtarake në Detin e Verdhë dhe Detin Bohai, pas stërvitjeve që ka kryer përreth Tajvanit ditëve të fundit.

Stërvitjet rreth Tajvanit kanë qenë përgjigje ndaj vizitës në këtë ishull të udhëheqëses së Dhomës së Përfaqësuesve në Shtetet e Bashkuara, Nancy Pelosi.

Ministria kineze e ka konsideruar vizitën e Pelosit në Tajvan si “provokim skandaloz”.

Pelosi është zyrtarja më e lartë amerikane që viziton këtë ishull në 25 vjetët e fundit.

Ndonëse SHBA-ja nuk e njeh zyrtarisht Tajvanin, mban lidhje të forta me ishullin, duke përfshirë shitjen e armëve me qëllim mbrojtjen territoriale.

Tajvani ka akuzuar Kinën se po tenton pushtimin e ishullit, të cilin Pekini e konsideron të vetin.

Mirëpo Tajvani është ishull që vetë-qeveriset dhe e konsideron veten të ndarë nga Kina.

Stërvitjet rreth Tajvanit ishte parashikuar të përfundonin në mesditën e së dielës, mirëpo, as Kina, as Tajvani nuk kanë konfirmuar diçka të tillë.

D.GJ/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite