Kandidati i Socialdemokratëve kroat, Zoran Milanoviç, do të jetë president i ri i Kroacisë. Kur janë numëruar pothuajse të gjitha votat e hedhura në zgjedhjet e së dielës, Zoran Milanoviç ka fituar 52.7 për qind, duke lënë prapa presidenten e deritashme, Kolinda Grabar-Kitaroviç, nga partia konservatore Bashkimi Demokratik Kroat, me 47.3 për qind të votave.
Në raundin e parë të zgjedhjeve dy javë më parë, Milanoviç kishte fituar ndaj 11 kandidatëve të tjerë, duke marrë 29.6 për qind të votave. Ai doli para presidentes në detyrë, Kolinda Grabar-Kitaroviç, cila mori 26.7 për qind të votave. Roli i presidentit është kryesisht ceremonial në Kroaci. Presidenti nuk mund t’i vë veton ligjeve, por është komandant i ushtrisë dhe përfaqëson vendin në arenën ndërkombëtare.
Kroacia, e cila mori presidencën e radhës të Bashkimit Evropian më 1 janar 2020, do të mbajë zgjedhjet e ardhshme parlamentare në vjeshtë, shkruan voa. Zoran Milanoviç, i cili ishte kryeministër i vendit nga vitin 2011 deri në vitin 2015, zhvilloi fushatën e tij zgjedhore me premtimin se ai do të luftonte korrupsionin që ai thotë se ishte intensifikuar që kur ai humbi pushtetin dhe konservatorët morën drejtimin e vendit.
Zoran Milanoviç është fitues i raundit të dytë të zgjedhjeve për president në Kroaci, sipas exit pollit dhe sondazheve zyrtare, duke mposhtur presidenten e tanishme, Kolinda Grabar Kitaroviç.
Milanovic ka kohë që është pjesë e spektrit politik kroat. Ai është i lindur në vitin 1966 dhe ishte kryeministër i Kroacisë nga viti 2011 deri në vitin 2016. Atë kohë drejtonte Partinë Socialdemokrate(SDP), parti e qendrës së majtë. Ishte lider i opozitës dy herë, nga viti 2007 deri më 2011 dhe për disa muaj në vitin 2016.
Milanovic filloi karrierën në Ministrinë e Punëve të Jashtme të Kroacisë. Ai shërbeu si këshilltar i Misionit Kroat në Bashkimin Europian dhe NATO dhe ishte asistent i ministrit për punë të jashtme për çështje politike multilaterale.
Në vitin 2007, Milanovic u zgjodh president i SPD’së dhe formoi koalicionin me katër parti të qendrës së majtë, që fituan një mazhorancë të madhe në zgjedhjet parlamentare të vitit 2011.
Ai u bë kryeministër atë vit dhe udhëhoqi vendin drejt antarësimit në BE.
Kabineti i tij solli ndryshime në ligjet e taksave dhe filluan një sërë projektesh infrastrukturore. Ai njihet si përkrahës i të drejtave të komunitetit LGBT.
Shërbeu si kryeministër deri në vitin 2015. Milanovic deklaroi se do të tërhiqej nga politika pas humbjes befasuese në zgjedhje.
Ai filloi karrierën si këshilltar politik. Në këtë profesion ishte edhe si këshilltar i kryeministrit të Shqipërisë, Edi Rama. Vetë Rama i pyetur për këtë çështje nuk e ka mohuar. “Kroacia është e jashtëzakonshme, është një shembull fantastik i mënyrës se si ta ndjekim këtë ambicie. Zoran është një mik i madh. I kam kërkuar këshillim dhe do t’i kërkoj sa herë ta takoj. Më duhet t’i them se ai është kaq i mirë me mua se asnjëherë nuk është vonë kur jep këshillat e tij” – tha Rama i pyetur nga gazetarët kroatë.
Në qershor të vitit 2019 ai zyrtarizoi fushatën për zgjedhjet presidenciale në Kroaci me sloganin “Një president me karakter”. Programi i tij i takonte qendrës së majtë
Ai mbështetej në statistikat e tij sa ishte kryeministër dhe premtoi luftim të korrupsionit. Kroacia tani po përballet me sfida të mëdha ekonomike dhe një eksod të rinisë së vendit.
Lajme të tjera
-
Të ikur nga mobilizimi e persekutimi rus, çeçenët arrijnë në kufirin mes Bosnjës e Kroacisë
12 Nëntor, 09:12 -
Begaj dekreton ambasadoren e Kroacisë (EMRI)
5 Nëntor, 16:38 -
Sylvinho e afroi në ekipin e parë, mesfushori i Kombëtares dëmtohet dhe mbyll vitin
1 Nëntor, 10:42 -
Samiti Ukrainë-Europa Juglindore, Rama mbërrin në Dubrovnik! Takim me liderët e rajonit dhe presidentin Zelensky
9 Tetor, 16:25 -
Shkaktoi aksidentin në Kroaci ku humbën jetën motër e vëlla, shqiptarja dënohet me katër vite burg
2 Tetor, 08:58 -
Turpërimi 9-2 në Champions League, Dinamo Zagreb shkarkon trajnerin
19 Shtator, 17:25 -
Ekskluzive/ Anijet me 816 ton mbetje toksike, ‘KURUM’ i shiti kompanisë ‘Sokolaj’ 2.8 mln kg si ‘oksid hekuri’ për 41 mijë $! Nisin hetimet
21 Gusht, 17:23
-
Kroacia rikthen shërbimin e detyrueshëm ushtarak, dy muaj trajnim! Nis nga 1 Janari 2025, shkak tensionet e rritura në Europë dhe lufta Rusi-Ukrainë
17 Gusht, 09:22 -
Aksident i rëndë në Kroaci, makina e shqiptarit hyn në korsinë e gabuar! Në koma gruaja dhe fëmija! Vdes shoferi kroat
16 Gusht, 14:03 -
Marrëdhëniet mes Malit të Zi dhe Kroacisë nga shpërbërja e Jugosllavisë deri sot
3 Gusht, 11:08 -
Spahiu: Zjarret në plazhe / Ata që kishin sloganin 'Tokë e Xanun', sot e duan Shqipërinë, 'Tokë e djegun'
2 Gusht, 19:39 -
Mafia e shezlloneve dhe fushata anti-kombëtare: “Shqipëria s’ka turistë”
1 Gusht, 17:37
