POP 5

Lajmet më të lexuara të 5 minutave të fundit

Sociale

Klos/ ‘Ujin e kemi dhuratë nga Perendia, nuk lejojmë ta grabisë Qeveria’! Banorët e fshatit turistik kundër hidrocentraleve

Kundër ndërtimit të 2 hidrocentraleve protestuan banorët e fshatit Gur i Bardhë në Klos. Ata kërkojnë anulimin e lejes pasi dëmtohen burimet ujore.

Banorët e fshatit Guri i Bardhë në njësinë administrative Xibër të bashkisë Klos kundërshtojnë ndërtimin e dy HEC-eve  “Guri i bardhe 1” dhe “Guri i Bardhe 2” nga kompania "Gealb Energy" në pronësi të Genc Mërkurit.

Banorët dolën sërish në protestë këtë të enjte, duke kërkuar anulimin e lejeve. Sipas tyre hec-et dëmtojnë burimet ujore të zonës dhe ekosistemin. Futja e ujit të tuba e fshatin Gurë I Bardhë pa ujë të pijshëm dhe vaditje.

“Ujin e kemi dhuratë nga Perendia dhe rrugën Italia, por ujin do të na e grabisë Qeveria. Kjo është thikë pas shpine. Po të bëhen HEC-et as dhitë s’kanë ku të pinë ujë, e jo më njerëzit”, thanë banorët.

Banorët janë të vendosur që nuk do lejojnë ndërtimin e këtyre hidrocentrale, fshati i tyre është përzgjedhur nga Qeveria në listën e 100 fshatrave turistikë dhe ata synojnë të investojnë në agro-turizëm.

"Është bërë një njoftim online nga AKM për dëgjesë publike por këtu nuk ka asnjë institucion. Mungon Agjencia e Mjedisit, investitori i HEC-it dhe Bashkia. Nuk është paraqit asnjeri, ne për tu kundërpërgjigjur duke dalë në protestë”, thanë banorët.

“Kjo zonë ka bukuri natyrore, është çmenduri të ndërtohen HEC-e. Ne nuk e lejojmë shkatërrimit. Aty ku parashikohen ndërtimet është shpella e Dukës, ku mund të bëhet një atraksion i bukur turistik”, thanë në tej.  

Shtatë vite më parë është miratuar leja për ndërtimin e 2 HEC-eve në pellgun ujëmbledhës të përrenjve të Zallit të Dishit dhe të Shehut, ndërkohë që banorët e kundërshtojnë këtë projekt. Ndonëse kompania që ka marrë me koncesion ndërtimin e këtyre HEC-eve nuk ka nisur ende punën, banorët kërkojnë anulimin e lejes së dhënë nga Ministria e Infrastrukturës dhe Energjisë.

 

 

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    PS abstenon e s'e çon mandatin e Xhaçkës në Kushtetuese, si e vlerësoni?

Lajme të tjera



×

Lajmi i fundit

BE heq nënën e Prigozhinit nga lista e të sanksionuarve

BE heq nënën e Prigozhinit nga lista e të sanksionuarve

13 Shtator, 15:57