Klotilda Bushka: Në 8 vite gjithçka për të mbrojtur dhe zhvilluar pronën, për ta çuar te i zoti (VIDEO)

Deputetja e PS-së, Klotilda Bushka, ka bërë një parashtrim të të gjitha zhvillimeve në 8 vite qeverisje për sa i përket pronës në Shqipëri.

"Për 8 vite, deri në 2013-n pronarët u zvarritën. Zgjidhja e problemit të pronësisë në Shqipëri ka qenë një prej kërkesave kryesore të Bashkimit Evropian. Pa zgjidhje të kësaj problematike thoshte BE nuk ka integrim. Çfarë bëmë ne në 8 vite? Legalizimi i banesave është një sukses i padiskutueshëm. Mijëra janë legalizuar dhe formalizuar. U mundësua kryerja e të gjithë aplikimeve vetëm online përmes portalit e-Albania duke mënjanuar radhët në sportele dhe lehtësuar pune. Janë evituar procese gjyqësore të stërgjatura dhe janë ofruar zgjidhje administrative, edhe si pasojë e rritjes së përgjegjshmërisë dhe cilësisë së administratës. Ne kemi bërë regjistrimin e të gjitha pronave kombëtare dhe zgjidhjen e problemeve të regjistrimit. Plazhet, rëra dhe veprat publike përftuar nga paligjshmëria i kthehej publikut.  Deri tani janë marrë 26091 vendime përfundimtare, janë 9500 dosje, 7744 kërkesa me vlerë financiare mbi 9 miliard lekë. E gjitha reforma jonë do të çojë gjithnjë pronën tek i zoti", tha ndër të tjera ajo.

Lajmi kryesor:

Rama: PD-LSI dhe 'KÇK-të' 3 këmbët e së keqes me 2 koka presidentësh, Meta e Berisha! Kërcënojnë Reformën në Drejtësi (VIDEO)

K.T./b.ha./Shqiptarja.com

TAG:
• edi rama
• PS
• Ilir Meta
• lulzim basha
• reforma ne drejtesi
• sali berisha
• zgjedhjet parlamentare 2021