Komuniteti Mysliman i Shqipërisë ka shkarkuar nga detyra Myftiun e Tiranës Ylli Gurra, ndërsa në vendin e tij ka emëruar Lauren Lulin. Gurra ishte kandidat për kreun e KMSH-së në zgjedhjet që u zhvilluan pak muaj më parë, në datë 2 mars, ndërsa nuk arriti që të fitonte përballë Bujar Spahiut. Në përfundim të procesit, ai kontestoi zgjedhjet, ndërsa lëshoi akuza të forta. Gurra akuzoi se zgjedhjet u morën peng nga Gylenistët dhe në krye të institucionit u vendos njeriu i tyre (lexo ketu).
Duket se akuzat kundër drejtimit aktual të KMSH-së, kanë ndikuar në lirimin nga detyra në datë 28 Qershor të Myftiut të Tiranës. Në një postim në rrjetet sociale, Gurra duke cituar një shprehje të Konicës në mënyrë indirekte thotë se është shkarkuar nga ata që duan ta shesin Shqipërinë si plaçkë duke lënë të kuptohet se largimi i tij lidhet me atë që deklaroi në mars.
"Dhe sot pas 100 motësh citimi goditës i Konicës me përvojën e një jete të dhënë për Shqipërinë, përsëri mbetet po kaq i lexueshëm e i dhimbshëm. 'Shqiptarët nuk ndahen në të Krishterë e në Muhamedane, por ndahen në dy anë; Ana e kombëtarëve dhe ana e zuzarëve, e atyre që kanë qenë të gatshëm, qofte nga soji i politikes, qofte nga soji i fesë, therore” për t’ua ofruar Shqipërinë si plaçkë kujtdo blerësi të parë... Korrik Vll-MMlXX, 7" shkruan Gurra në një reagim në Facebook.
Postimi i Ylli Gurres
Komuniteti Mysliman i Shqipërisë sqaron se Gurra tashmë do të mbajë postin e Këshilltarit të Kryetarit të Komunitetit Mysliman të Shqipërisë. Bujar Spahiu zhvilloi një takim në selinë e Komunitetit Mysliman me imamët e xhamive të Tiranës, ku prezantoi myftiun e ri të Tiranës, Lauren Luli. Spahiu e vuri theksin në dhënien e një impulsi të ri institucionit të myftinisë. Gjithashtu sipas KMSH-se, gjatë takimit Spahiu vlerësoi punën dhe kontributet e deritanishme në këtë myftini. Myftiu i ri i Tiranës, Lauren Luli është teolog. Ai ka kryer studimet e larta në Fakultetin e Shkencave Islame në Bursa të Turqisë dhe më pas masterin shkencor në Tiranë. Ai ka ushtruar detyrën e tij si imam dhe myfti si dhe prej dy vitesh mbante postin e nënkryetarit të KMSH-së.
Bujar Spahiu gjate takimit në selinë e Komunitetit Mysliman me imamët e xhamive të Tiranës, i pari në të djathtë myftiu i ri të Tiranës, Lauren Luli
Çfarë janë Gylenistët?
Gylenistët janë organizatë që drejtohen nga kleriku Fethullah Gylen që jeton në SHBA, pasi është në kërkim nga Turqia. Në fillim të vitit 2014, qeveria turke filloi të marrë masa kundër lëvizjes së Gylenit, pasi kleriku i prishi marrëdhëniet me Presidentin Erdogan. Shumë ndjekës të Gylenit u akuzuan për tentativë për grusht shteti në 2016 në Turqi.
Shumë prej tyre u vranë, ndërsa të tjerë u burgosën. Sot në Turqi lëvizja Gyleniste shihet si rrezik dhe Presidenti Erdogan e ka shpallur organizatë terroriste, ndërsa i ka bërë thirrje Shqipërisë, ashtu si shumë vendeve të tjera që ta luftojnë.
Lajme të tjera
-
Erdogan nesër në Tiranë, inauguron xhaminë e Namazgjasë! Myftinia e Tiranës: Do e drejtojë imami Gazment Teqja! Mungon Spahiu i KMSH
9 Tetor, 08:35 -
Protestë para KMSH-së kundër shtetit bektashi, Florian Arapi: Baba Mondi, levë në duart e Izraelit! Teqeja e tij sallë pritjeje për ushtarët izraelitë! Tradhtar i kombit
24 Shtator, 18:17 -
Shteti i Urdhrit Bektashi? Ish myftiu i Tiranës kundër: E pavend! Studiuesi nga Brukseli: Kush do ta financojë? Juristi: Më parë duhet ndryshuar Kushtetuta
23 Shtator, 15:59 -
Kurban Bajrami, kreu i KMSH uron besimtarët: Zoti i madhërishëm dhëntë begati e mirësi për kombin tonë
15 Qershor, 13:28 -
Kur’ani, ja 20 fakte që nuk i dini për vonesën e ardhjes së tij në shqip! Esencë-Report Tv
14 Prill, 18:05
-
Rizgjedhja e kreut të KMSH-së, hoxhë Topulli: Procesi farsë dhe ilegjitim! Kryesia është e kapur nga gylenistët! Besimtarët jo të përfaqësuar
4 Mars, 13:26 -
Koha që KMSH të përfaqësojë të gjithë myslimanët shqiptarë
2 Mars, 21:32
-
Bujar Spahiu rizgjidhet edhe për 5 vite në krye të Komunitetit Mysliman Shqiptar! Protestë jashtë Medresesë: Gylenist
2 Mars, 07:44
-
Organizata 'FETO' në Shqipëri, Laçi: Gylenistët kanë uzurpuar KMSH dhe gjithë institucionet politike e arsimore! Funksionojnë si një ‘shtet hije’
23 Shkurt, 19:48 -
Vrasja e 50 vjeçarit në Durrës nga fëmijët e tij, ish-myftiu, Gurra: Përtej ekstremit! Ka dështuar i gjithë zinxhiri i shoqërisë
23 Shkurt, 19:26 -
Gjykata Kushtetuese lë në fuqi ligjin e kompensimit të pronave të 2022, rrëzon padinë e Komunitetit Mysliman
13 Shkurt, 17:25 -
'Abuzimi i të miturave po fshihet pas martesave' Babai për Report TV: Dy vajzat e mia u martuan 14 vjeçe, e vogla ka 4 divorce! Ish Myftiu Gurra: Rastet s'janë të pakta
19 Janar, 15:12
